Hello World Trailer: జీ5 , నిహారిక ల ‘హలో వరల్డ్‌’ వెబ్ సిరీస్ ఆకట్టుకునేలా ఉందిగా..!

‘జీ 5’ ఓటీటీ సంస్థ భారీ బడ్జెట్ తో ఒరిజినల్ వెబ్ సిరీస్ లు, సినిమాలు నిర్మిస్తున్న సంగతి తెలిసిందే. ఈ మధ్యనే ‘గాలివాన’ ‘మా నీళ్ల ట్యాంక్‌’ వంటి క్రేజీ వెబ్ సిరీస్ లను ప్రేక్షకులకు అందించిన జీ5 సంస్థ.. ఇప్పుడు మరో విభిన్న వెబ్‌ సిరీస్‌తో ప్రేక్షకుల ముందుకొచ్చింది. సాఫ్ట్ వేర్ ఉద్యోగుల లైఫ్ స్టైల్ ను ఎలా ఉంటుంది, వారు ఎదుర్కొనే సమస్యలు ఎలా ఉంటాయి, కుటుంబంలో ఎలాంటి ఒత్తిడి ఉంటుంది వంటి అంశాలతో ‘హలో వరల్డ్‌’ అనే వెబ్ సిరీస్ ను మెగా డాటర్ నిహారిక కొణిదెలతో కలిసి నిర్మించింది.

‘పింక్‌ ఎలిఫెంట్‌ పిక్చర్స్‌’ బ్యానర్‌పై విభిన్నమైన వెబ్‌ సిరీస్‌లను నిర్మిస్తున్న నిహారిక ఇప్పుడు ఈ సిరీస్‌తో ప్రేక్షకుల ముందుకు రానుంది. గతంలో జీ5తో కలిసి ఆమె ‘ఒక చిన్న ఫ్యామిలీ స్టోరీ’ అనే సిరీస్‌ను కూడా రూపొందించింది. 8 ఎపిసోడ్లుగా స్ట్రీమింగ్ కానున్న ‘హలో వరల్డ్‌’ వెబ్‌ సిరీస్‌ ట్రైలర్ ను తాజాగా రిలీజ్ చేశారు. శివసాయి వర్థన్‌ దర్శకత్వం వహించిన ఈ సిరీస్ లో.. ఆర్యన్‌ రాజేశ్‌, సదా, రామ్‌ నితిన్‌, నిఖిల్ వంటి వారు కీలక పాత్రలు పోషించారు.

కామెడీ, రొమాన్స్, ఎమోషన్ వంటి అంశాలు ట్రైలర్లో ఉన్నాయి.ఉన్న ఈ ట్రైలర్ ఆసక్తిగా ఉంది. ‘చిన్నప్పటి నుంచి అందరి పిల్లల్లానే చాలా అవుదామనుకున్నా’ ‘మనకు సాలరీ ఇత్తరా బ్రో’, ‘నీకు ఇవ్వాల్సిన రెండు లచ్చలు ఒక్క సంవత్సరంలో కట్టిపడేత్తా’, ‘చావడం కన్ఫర్మ్‌ అయినప్పుడు ఎంజాయ్‌ చేస్తూ చావాలి కానీ, ఇలా ఏడుస్తూ చస్తే లాభమేంట్రా’ వంటి డైలాగులు బాగున్నాయి.

ట్రైలర్ చూస్తుంటే ఈ సిరీస్ ప్రేక్షకులను రంజింప చేయడం గ్యారెంటీ అనిపిస్తుంది. ఆగస్టు 12 నుండి ఈ సిరీస్ స్ట్రీమింగ్‌ కానుంది.హరీశ్‌ శంకర్‌ ఈ సిరీస్ ట్రైలర్ ను విడుదల చేయడంతో త్వరగానే వైరల్ అయిపోయింది. ఒక నిమిషం 46 సెకన్ల నిడివి కలిగిన ఈ ట్రైలర్ ను మీరు కూడా ఓ లుక్కేయండి :