బాలయ్య 100వ సినిమాలో రాజమాతగా హేమమాలిని..?

గౌతమి పుత్ర శాతకర్ణి జీవిత చరిత్ర ఆధారంగా నందమూరి బాలకృష్ణ 100 వ చిత్రం తెరకెక్కనుండగా.. ఈ చిత్రానికి క్రిష్ జాగర్లమూడి దర్శకత్వం వహించనున్నారు. ఉగాది పర్వదినాన అమరావతి లోని ధరణి కోట వేదిక ఈ చిత్రాన్ని అధికారిక ప్రకటన చేయనున్నారు. తాజా సమాచారం ప్రకారం రాజమాత పాత్రను హేమమాలిని పోషించనుంది. ప్రస్తుతం ఆమె అమెరికా లో ఉండగా ఏప్రిల్ 10 న స్వదేశానికి వచ్చి చిత్ర బృందంతో కలవనుందని అంటున్నాయి ఫిల్మ్ నగర్ వర్గాలు. కాగా ఆమె గతంలో పాండవ వనవాసం, శ్రీ కృష్ణ విజయం పౌరాణిక చిత్రాల్లో చివరి సారి తెలుగులో నటించింది. మరోవైపు బాలకృష్ణ సరసన నయనతార ను నటింపజేయడానికి ఇదివరకే ఆమెను సంప్రదించారు.