చిత్ర పరిశ్రమలో నటుడిగా అడుగుపెట్టి డైరక్టర్ గా మారిన సినీజీవి అవ‌స‌రాల శ్రీనివాస్. డైరక్షన్ విభాగంలో పని చేసి నటుడిగా ఎదిగిన జెంటిల్ మాన్ నాని. వీరిద్దరూ మంచి స్నేహితులు. నాని, శ్రీని తొలిసారి అష్టా చమ్మా సినిమాలో కలిసి నటించి విజయం అందుకున్నారు. మళ్లీ తాజాగా జెంటిల్ మాన్ తో గెలుపు రుచిని ఆస్వాదిస్తున్నారు. వీరిద్దరి కాంబినేషన్లో సినిమా రానుంది. అంటే యాక్టర్లుగా కాదు. ఒకరు కెమారా ముందు.. మరొకరు తెర వెనుక ట్యాలెంట్ ని ప్రదర్శించనున్నారు.
శ్రీని చెప్పిన కథ నచ్చడంతో .. అతని దర్శకత్వంలో పని చేయడానికి నాని ఓకే చెప్పాడు. ఊహ‌లు గుస‌గుస‌లాడే సినిమాతో డైరక్టర్ గా నిరూపించుకున్న శ్రీనివాస్ ప్రస్తుతం జ్యో అచ్చుతానంద సినిమాను తెరకెక్కిస్తున్నారు. ఈ మూవీ తర్వాత నానిని డైరక్ట్ చేయనున్నాడు. “సినిమా చూపిస్తా మామ” డైరక్టర్ త్రినాథరావు నక్కిన దర్శకత్వంలో పనిచేయడానికి నాని ఎప్పుడో గ్రీన్ సిగ్నల్ ఇచ్చాడు.
కథానాయికగా కీర్తి సురేష్ నటిస్తున్న ఈ చిత్రాన్ని దిల్ రాజు నిర్మించనున్నారు. మరి కొన్ని రోజుల్లో ఈ మూవీ సెట్స్ మీదకు వెళ్లనుంది. ఇది పూర్తి అయినా వెంటనే శ్రీని సినిమా మొదలు పెడుతారు. హిట్ ట్రాక్ లో ఉన్న వీరిద్దరూ కలిసి చేయనున్న సినిమా కోసం అందరూ ఆసక్తిగా ఎదురు చూస్తున్నారు.
