‘జవాన్‌’ సినిమాతో భారీ విజయం అందుకుని రూ. వెయ్యి కోట్ల వసూళ్ల వైపు దూసుకుపోతోంది. దీంతో ఈ సినిమా గురించి ఎంతగా మాట్లాడుతున్నారో, ఈ సినిమా తర్వాత దర్శకుడు అట్లీ చేయబోయే సినిమా గురించి అంతకంటే ఎక్కువ మాట్లాడుతున్నారు. కారణం ఇప్పటికే అపజయమెరుగని వీర దర్శకుడు అట్లీ. చేసిన ప్రతి సినిమా విజయం అందుకున్నదే. దీంతో తర్వాత బ్లాక్‌బస్టర్‌ అందుకునే ఆ హీరో ఎవరు అని అడుగుతున్నారు. అయితే ఈ సమయంలో అట్లీ మనసులోని హీరోల పేర్లు బయటకు వచ్చాయి.
షారుఖ్‌ ఖాన్‌ ప్రధాన పాత్రలో నటించిన చిత్రం ‘జవాన్‌’. ఈ సినిమా బ్లాక్‌బస్టర్‌ అయిన సందర్భంగా దర్శకుడు అట్లీ ఇటీవల మీడియాతో మాట్లాడారు. ఈ సందర్భంగా కొన్ని ఆసక్తికర విషయాలు పంచుకున్నారు. తాను ఏయే హీరోలతో సినిమాలు చేయాలనుకుంటున్నారో కూడా చెప్పారు. బాలీవుడడ్‌లో అయితే సల్మాన్‌ ఖాన్‌, హృతిక్‌ రోషన్‌, రణ్‌వీర్‌ సింగ్‌, రణ్‌బీర్‌ కపూర్‌తో పనిచేయాలని ఉందని చెప్పారు. అందులోనూ నలుగురిలో ముందుగా సల్మాన్‌, రణ్‌బీర్‌తో సినిమాలు చేద్దాం అనుకుంటున్నాను అని చెప్పారు.
దీంతో అట్లీ తన తర్వాతి ప్రాజెక్ట్‌ను బాలీవుడ్‌ హీరోతోనే చేయాలని ఫిక్స్‌ అయ్యాడు అంటూ పుకార్లు మొదలయ్యాయి. నిజానికి ‘జవాన్‌’ సినిమా తర్వాత అట్లీ విజయ్‌తో ఓ సినిమా చేస్తారని వార్తలొచ్చాయి. అయితే మధ్యలో బన్నీ సినిమా వచ్చి చేరింది. బన్నీ, అట్లీ సినిమా ఇప్పటి ముచ్చట కాదు. చాలా ఏళ్లుగా ఈ సినిమా ప్రస్తావన వస్తూనే ఉంది. కానీ సినిమా ఓకే అవ్వడం లేదు. మరోవైపు నేషనల్‌ బెస్ట్‌ యాక్టర్‌ అయ్యాక బన్నీ కూడా పాన్‌ ఇండియా సినిమాల గురించే ఆలోచిస్తున్నాడు.
దీంతో బన్నీ తర్వాతి సినిమా దర్శకుడిగా (Atlee) అట్లీని దాదాపు ఓకే చేసేయొచ్చని అంటున్నారు. కానీ అట్లీ మాటలు చూస్తుంటే అలా అనిపించడం లేదు. బాలీవుడ్‌ హీరోతోనే నెక్స్ట్‌ సినిమా అనేలా మాట్లాడుతున్నారు. కాబట్టి అట్లీ నెక్స్ట్‌ ఏంటి అనే ప్రశ్న ఇంకొన్నాళ్లు ఇలానే ఉండేలా ఉంది.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
Home
