సన్నివేశంలో మరీ ఇంత పర్ఫెక్షనా?

June 25, 2020 / 12:41 PM ISTByFilmy Focus

Join Us

సినిమాలో సన్నివేశం దర్శకుడు ఆలోచనకు…అతని ఊహకు దగ్గరగా రావడానికి చాలా మంది దర్శకులు నటులకు నటించి చూపిస్తారు. రాజమౌళి లాంటి పెద్ద డైరెక్టర్ కూడా ఎంతటి స్టార్ హీరో అయినా అతనికి ప్రతి సన్నివేశం నటించి చూపిస్తాడు. ఓ డైరెక్టర్ గా అది మంచి అలవాటే. ఐతే అది మితిమీరితే కొంచెం ఇబ్బందిగానే ఉంటుంది. అలాంటి సంఘటనకు సంబంధించిన ఫోటో ఇప్పుడు సోషల్ మాద్యమాలలో హల్ చల్ చేస్తుంది. ఆ ఫోటో సినీ ప్రియులను షాక్ కి గురి చేస్తుంది.

ఇంతకీ ఆ ఫొటోలో ఉన్న అంత ఆశ్చర్య పరిచే విషయం ఏమిటంటే.. దర్శకుడు హీరోకి లిప్ లాక్ కిస్ ఇస్తున్నాడు. రెండేళ్లుగా ఓ మూవీ చిత్రీకరణ జరుపుకుంటుంది. సిద్దు జొన్నలగడ్డ హీరోగా రవికాంత్ దర్శకత్వంలో కృష్ణ అండ్ హిజ్ లీల అనే ఓ రొమాంటిక్ ఎంటర్టైనర్ రెండేళ్లుగా చిత్రీకరణ జరుపుకుంటుంది. ఈ మూవీలో ఓ లిప్ లాక్ సన్నివేశం దర్శకుడు హీరోకి వివరించే క్రమంలో ఆల్మోస్ట్ అతన్ని ముద్దు పెట్టుకున్నంత పని చేశాడు.

వారిద్దరూ లిప్ లాక్ పోజులో ఉన్న ఫోటో బయటికి రాగా నెటిజెన్స్ షాక్ అవుతున్నారు. ఇక కృష్ణ అండ్ హిజ్ లీల మూవీ నేడు నెట్ ఫ్లిక్స్ లో విడుదలయ్యింది. ట్రై యాంగిల్ లవ్ స్టోరీగా వచ్చిన ఈ మూవీ బాగానే ఉన్నట్లు టాక్. మరో విశేషము ఏమిటంటే ఈ మూవీని హీరో రానా దగ్గుబాటి నిర్మించారు. అనేక మార్లు వాయిదా పడుతూ వస్తున్న ఈ చిత్రాన్ని చడీ చప్పుడు లేకుండా ఓ టి టి లో విడుదల చేయడం జరిగింది.