కోలీవుడ్ స్టార్ హీరో ఆర్య.. తెలుగు ప్రేక్షకులకు కూడా సుపరిచితమే..! అల్లు అర్జున్ హీరోగా గుణశేఖర్ డైరెక్షన్లో వచ్చిన ‘వరుడు’ చిత్రం ద్వారా తెలుగు ప్రేక్షకులకు పరిచయమయ్యాడు ఆర్య. ఆ చిత్రంలో విలన్ గా నటించినప్పటికీ.. అతని నటనకి తెలుగు ప్రేక్షకులు ఫిదా అయిపోయారనే చెప్పాలి. దాంతో తెలుగులో కూడా ఆర్య నటించిన సినిమాలు వరుసగా విడుదలవుతూ వస్తున్నాయి. ఈ క్రమంలో వచ్చిన ‘నేనే అంబానీ’ ‘రాజా రాణి’ ‘ఆట ఆరంభం’ వంటి చిత్రాలు మంచి విజయాలను కూడా అందుకున్నాయి.
ఇదిలా ఉండగా.. తాజాగా ఈ హీరో యాక్సిడెంట్ కు గురయ్యాడంటూ పెద్ద ఎత్తున ప్రచారం జరుగుతుంది. వివరాల్లోకి వెళితే..విశాల్, ఆర్య కాంబినేషన్లో‘ఎనిమీ’ అనే చిత్రం తెరకెక్కుతోంది. ఈ చిత్రంలో ఓ కీలక యాక్షన్ సీక్వెన్స్ ఉందట. అందుకోసం వీరిద్దరూ డూప్ లేకుండానే ఆ యాక్షన్ ఎపిసోడ్ షూటింగ్ లో పాల్గొన్నారట.ఈ క్రమంలో హీరో ఆర్య తీవ్రంగా గాయపడినట్టు చెన్నై మీడియా వర్గాల సమాచారం. వెంటనే అక్కడున్న సిబ్బంది.. ఆర్యను ఆసుపత్రిలో చేర్చారట.
అయితే ట్రీట్మెంట్ అయిన వెంటనే తిరిగి షూటింగ్లో పాల్గొనడానికి సెట్ లోకి అడుగుపెట్టాడట ఆర్య.అతని డెడికేషన్ కు అక్కడున్న వారంతా ప్రశంసలు కురిపించినట్టు తెలుస్తుంది.ఇక ‘ఎనిమి’ చిత్రాన్ని ఆనంద్ శంకర్ డైరెక్ట్ చేస్తుండగా తమన్ సంగీతమందిస్తుండడం విశేషం.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home