కోలీవుడ్ ఇండస్ట్రీలోని స్టార్ హీరోలలో ఒకరైన ఆర్య రాజారాణి, నేనే అంబానీ సినిమాలతో తెలుగు ప్రేక్షకుల్లో కూడా మంచి గుర్తింపును సొంతం చేసుకున్నారు. వివాదాలకు దూరంగా ఉండే హీరోలలో ఒకరైన ఆర్య తాజాగా ఒక వివాదంలో చిక్కుకున్నారు. శ్రీలంకకు చెందిన ఒక యువతి ఆర్య పెళ్లి చేసుకుంటానని నమ్మించి మోసం చేశాడంటూ సంచలన ఆరోపణలు చేయడంతో పాటు ఆర్యపై ఫిర్యాదు చేశారు. కొన్ని నెలల క్రితమే యువతి ఫిర్యాదు చేయగా
తాజాగా చెన్నై కమిషనర్ ఆఫీస్ లో పోలీసులు ఈ కేసుకు సంబంధించి ఆర్యను మూడు గంటల పాటు విచారించినట్టు సమాచారం. పోలీసులు ఇప్పటివరకు ఆర్యపై కేసు నమోదు చేయలేదని తెలుస్తోంది. శ్రీలంక యువతి ఆర్యపై చేసిన ఆరోపణలు కోలీవుడ్ ఇండస్ట్రీ వర్గాల్లో చర్చనీయాంశం అయ్యాయి. ఆర్యకు ఇప్పటికే హీరోయిన్ సయేషా సైగల్ తో వివాహమైన సంగతి తెలిసిందే. సయేషా కొన్నిరోజుల క్రితం పండంటి పాపకు జన్మనిచ్చింది. ప్రస్తుతం ఆర్య విశాల్ తో కలిసి ఎనిమీ అనే సినిమాలో నటిస్తున్నారు.
యువతి చేసిన ఆరోపణలు నిజమేనని తేలితే ఆర్య కెరీర్ కు ఇబ్బందులు తప్పవని చెప్పవచ్చు. శ్రీలంకకు చెందిన విద్జ అనే యువతి ప్రస్తుతం జర్మనీలో నివాసం ఉంటున్నారు. ఆర్య ఆర్థిక ఇబ్బందుల్లో ఉన్నానని చెప్పి తన నుంచి డబ్బు తీసుకున్నారని ఈమె ఆరోపణలు చేస్తున్నారు. శ్రీలంక యువతి కోర్టులో కూడా ఫిర్యాదు చేయడంతో ఈ కేసు ఎన్ని మలుపులు తిరుగుతుందో చూడాల్సి ఉంది. శ్రీలంక యువతి రాజకీయ ప్రముఖులకు ఆర్య మోసం గురించి లేఖలు రాస్తూ హీరో ఆర్యకు ఒక విధంగా షాక్ ఇచ్చారనే చెప్పాలి.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home