రన్ రాజా రన్ సినిమాతో దర్శకుడిగా వెండితెరకు పరిచయమైన డైరెక్టర్ సుజిత్ ఆ తరువాత ప్రభాస్ తో సాహో సినిమాను డైరెక్ట్ చేసిన విషయం తెలిసిందే. కానీ ఆ సినిమా అనుకున్నంత రేంజ్ లో హిట్టవ్వలేదు. అయినప్పటికీ సుజిత్ క్రేజ్ తగ్గలేదు. మెగాస్టార్ చిరంజీవితో మలయాళం హిట్ మూవీ లూసిఫర్ ను రీమేక్ చేసే ఛాన్స్ వచ్చినప్పటికీ సుజిత్ ఆ అవకాశాన్ని ఉపయోగించుకోలేకపోయాడు. ఇక ఆ తరువాత మళ్ళీ యూవీ క్రియేషన్స్ లోనే మరో సినిమా చేసే అవకాశం వచ్చినట్లు టాక్ వచ్చింది.
ముఖ్యంగా ప్రభాస్ మిత్రుడు గోపిచంద్ హీరోగా ఫిక్స్ అయినట్లు కథనాలు బాగానే వచ్చాయి. కానీ ఆ కాంబినేషన్ పై ఇంతవరకు క్లారిటీ ఇవ్వలేదు. ఇక ఇప్పుడు సుజిత్ ఒక బాలీవుడ్ ఆఫర్ అందుకున్నట్లు మరొక కొత్త రూమర్ వైరల్ అవుతోంది. దాదాపు కన్ఫర్మ్ అయినట్లు కూడా గాసిప్స్ వస్తున్నాయి. టాలెంటెడ్ హీరో విక్కీ కౌషల్ కు ఒక కథను చెప్పిన సుజిత్ అతన్ని మెప్పించినట్లు తెలుస్తోంది. కానీ కథ విషయంలో ఇంకాస్త చర్చలు జరిగే అవకాశం ఉందట.
స్టోరీ మెయిన్ ప్లాట్ నచ్చినప్పటికి స్క్రీన్ ప్లే విషయంలో కాస్త డౌట్స్ ఉన్నాయట. ఒకవేళ కౌషల్ గనక గ్రీన్ సిగ్నల్ ఇస్తే ఒక బాలీవుడ్ ప్రొడక్షన్ హౌజ్ వీరి సినిమాను ప్రొడ్యూస్ చేయడానికి సిద్ధంగా ఉందని సమాచారం. మరి సుజిత్ ఆ ప్రాజెక్టును ఎప్పుడు తెరపైకి తెస్తాడో చూడాలి.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
