29+10=3: మారుతి – గోపీచంద్‌ కాంబో టీజర్‌ సూపర్

పోస్టర్‌, టీజర్‌, ట్రైలర్‌.. వీటిని చూసి ఓ సినిమా అంచనా వేయొచ్చు అంటుంటారు. అలా అంచనా వేసింది నూటికి నూరు శాతం కరెక్ట్‌ కాకపోవచ్చు కానీ… చాలావరకు సెట్‌ అవుతాయి. అలాంటి ఓ హిట్‌ ఫీల్‌ ఉన్న టీజర్‌ ఈ రోజు ఉదయాన్నే ఒకటి వచ్చింది. టీజర్‌ను ప్రారంభించిన విధానం, నడిపిన తీరు, ముగించిన విధానం చాలా కొత్తగా ఉన్నాయంటే నమ్మక తప్పదు. ఆ సినిమా టీజర్‌ను విడుదల చేసింది జీఏ2 పిక్చర్స్‌, యూవీ క్రియేషన్స్‌ అయితే… అందులో ప్రధాన పాత్రధారులు మారుతి – గోపీచంద్‌.

‘ప్రతి రోజూ పండగే’ తర్వాత మారుతి సినిమా ఏంటి అంటూ చాలా రోజుల నుంచి వార్తలొస్తున్నాయి. మరోవైపు గోపీచంద్‌ కొత్త సినిమా ఇదే అంటూ రకరకాల వార్తలొస్తున్నాయి. ఆ సినిమా ఓకే అయ్యింది… ఈ కథ అంటున్నారు… హీరో ఇతనే… దర్శకుడు ఇతనే అనేది ఆ వార్తల సారాంశం. దీనినే వార్తలు – న్యాయస్థానం తీర్పు నేపథ్యంలో టీజర్‌గా చూపించారు. పుకార్లకు ఫుల్‌స్టాప్‌ పెట్టండి మారుతి- గోపీచంద్‌ సినిమా గురించి ప్రకటించండి అంటూ న్యాయమూర్తి చెప్పేలా టీజర్‌ పూర్తి చేశారు. పనిలో పనిగా ఇంట్రెస్టింగ్‌ కాంబినేషన్‌ సినిమా ప్రకటించేశారు.

సినిమా టైటిల్‌, ఫస్ట్‌ లుక్‌ను త్వరలో ప్రకటిస్తామంటూ వీడియోతో కూడిన ట్వీట్‌ చేసింది జీఏ2 పిక్చర్స్‌. టీజర్‌తో చిత్ర నిర్మాణ సంస్థ ఒకే దెబ్బకు రెండు పిట్టలు అనే ఆలోచనతో రూపొందించినట్లు తెలుస్తోంది. ఒకటి పుకార్లకు చెక్‌ చెబుతూ సినిమా ప్రకటన, రెండోది సినిమా నేపథ్యం. అవును ఈ సినిమా న్యాయస్థానం నేపథ్యంలో కొనసాగబోతోందని తెలుస్తోంది. ఇందులో గోపీచంద్‌ లాయర్‌గా నటిస్తాడని కూడా టాక్‌ వినిపిస్తోంది.

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!