Hero Karthi: ఏ హీరోకీ ఇలాంటి అవకాశం రాలేదు.. ఇక రాదేమో!

సినిమాలకు సీక్వెల్స్‌ రావడం, మొదటి పార్టులో నటించిన హీరోనే మళ్లీ నటిండచం చాలా రోజులుగా చూస్తున్నాం, చూస్తూనే ఉంటాం కూడా. అయితే ఒక హీరో వరుసగా మూడు సీక్వెల్స్‌ నటించడం చూశారా? త్వరలో చూస్తారు. అలాంటి అద్భుతమైన అవకాశం మనకు ఇవ్వబోతోంది ఎవరో కాదు కార్తి. అవును లైనప్‌లో ఇప్పుడు మూడు సీక్వెల్స్‌ ఉన్నాయి. లేటెస్ట్‌గా అనౌన్స్‌ చేసిన ‘సర్దార్‌ 2’తో కార్తి సీక్వెల్స్‌ సంఖ్య మూడుకు చేరింది. దీపావళికి విడుదల అయిన సినిమాల్లో ‘సర్దార్’ మంచి టాక్‌ తెచ్చుకుంది.

తమిళంలో, తెలుగులో విడుదలైన ఈ సినిమాకు విమర్శకుల, ప్రేక్షకుల ప్రశంసలు దక్కుతున్నాయి. ఇక వసూళ్లు కూడా బాగున్నాయి. సినిమా ముగింపులోనే రెండో పార్టుకు అవకాశం ఉందని చెప్పకనే చెప్పేశారు. ఇప్పుడు ఆ సినిమా సీక్వెల్‌ను అనౌన్స్‌ చేశారు. త్వరలో ‘సర్దార్‌ 2’ మొదలవుతుంది అని ప్రకటించారు. ఒక్కసారి గూఢచారి అయితే… ఎప్పుడూ గూఢచారే అంటూ సీక్వెల్ను అనౌన్స్‌ చేశారు.
దీంతో కార్తి చేతిలో ‘సర్దార్ 2’ కాకుండా మరో రెండు సీక్వెల్స్ ఉన్నాయి.

‘ఖైదీ 2’ సినిమా ఒకటి అయితే, రెండోది ‘పొన్నియిన్‌ సెల్వన్‌ 2’. కోలీవుడ్‌లో ఇటీవల కాలంలో అదరగొట్టిన సినిమాలివి. ఈ రెండింటిలోనూ కార్తి నటనకు మంచి పేరొచ్చింది. దీంతో ఆయా సినిమాల సీక్వెల్స్‌ గురించి చాలామంది వెయిట్‌ చేస్తున్నారు. లోకేశ్‌ కనగరాజ్ దర్శకత్వంలో ‘ఖైదీ 2’ వచ్చే ఏడాది మొదలవుతుంది. ఇక ‘పొన్నియిన్ సెల్వన్ 2’ను వచ్చే ఏడాది విడుదల చెయ్యాలని దర్శకుడు మణిరత్నం చెప్పేశారు.

ఇలా ఒకేసారి మూడు సీక్వెల్స్‌ చేస్తున్న హీరో కార్తినే అవుతాడు. మూడు సినిమాలు వరుసగా చేస్తున్న, చేసిన హీరోలు ఉన్నారు కానీ.. ఇలా సీక్వెల్స్‌ చేసిన వాళ్లు లేరనే చెప్పాలి. ‘సర్దార్‌ 2’ హిట్‌ అయితే ఈ ఫ్రాంచైజీ కొనసాగిస్తారనే టాక్‌ నడుస్తోంది. ఇక ‘ఖైదీ 2’ తర్వాత లోకేశ్ కనగరాజ్‌ సినిమాటిక్‌ యూనివర్శ్‌లో కార్తి మరికొన్ని సినిమాల్లో కనిపించే అవకాశం ఉందంటున్నారు.

జిన్నా సినిమా రివ్యూ& రేటింగ్!

Most Recommended Video

ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!