సీనిమా ఇండస్ట్రీలో బ్లాక్ బస్టర్ హిట్ వస్తే హీరోలకు క్రేజ్ ఏ విధంగా పెరుగుతుందో వరుస ఫ్లాపులు వస్తే క్రేజ్ అదే విధంగా తగ్గుతూ వస్తుంది. యంగ్ హీరోలలో ఒకరైన కార్తికేయకు తన సినీ కెరీర్ లో ఆర్.ఎక్స్ 100 సినిమా మినహా మరో హిట్ లేదనే సంగతి తెలిసిందే. గీతా ఆర్ట్స్2 బ్యానర్ లో తెరకెక్కిన చావుకబురు చల్లగా సినిమాతో కార్తికేయ బ్లాక్ బస్టర్ హిట్ కొడతాడని అతని ఫ్యాన్స్ భావించినా ఈ సినిమాకు ప్రేక్షకుల నుంచి నెగిటివ్ టాక్ వచ్చింది.
చావుకబురు చల్లగా టీజర్, ట్రైలర్ సినిమాపై ప్రేక్షకుల్లో ఆసక్తిని పెంచినా కథ, కథనాల్లోని లోపాలు సినిమా ఫ్లాప్ కావడానికి కారణమయ్యాయి. సినిమాలో కార్తికేయ బస్తీ బాలరాజు పాత్రలో నటించారు. మార్చి 19వ తేదీన విడుదలైన ఈ సినిమా ఫుల్ రన్ లో 5 కోట్ల రూపాయల గ్రాస్ కలెక్షన్లను సాధించింది. వీకెండ్ లోనే ఆశించిన స్థాయిలో కలెక్షన్లు సాధించని ఈ సినిమా వీక్ డేస్ లో కలెక్షన్లు రాబట్టుకోలేక డిజాస్టర్ గా నిలిచింది.
ఈ సినిమా ఫలితం గురించి తాజాగా ట్విట్టర్ లో స్పందించిన హీరో కార్తికేయ ఆసక్తికర వ్యాఖ్యలు చేశారు. తనలోని నటుడిని చావుకబురు చల్లగా సినిమా ఎక్స్ ప్లోర్ చేసిందని.. చాలామంది హృదయాలకు ఈ సినిమా దగ్గర చేసిందని పేర్కొన్నారు. సినిమా చూసిన చాలామంది పంపిన మెసేజ్ లు బస్తీ బాలరాజు పాత్రలో నటించినందుకు గర్వపడేలా చేశాయని కార్తికేయ పేర్కొన్నారు. సినిమా నచ్చని వాళ్లు చిన్న తప్పులు ఉన్నా ఆ తప్పులను క్షమించాలని కార్తికేయ కోరారు.
తనకు మరొక అవకాశం ఇస్తే తప్పులను సరిదిద్దుకుని సక్సెస్ సాధిస్తానని కారికేయ పేర్కొన్నారు. కార్తికేయ భవిష్యత్ ప్రాజెక్ట్ లతో సక్సెస్ సాధిస్తారేమో చూడాల్సి ఉంది. చావుకబురు చల్లగా సినిమా షేర్ కలెక్షన్లు 3 కోట్ల 32 లక్షల రూపాయలుగా ఉన్నాయి.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
