హీరో అంటే ఆయనొక్కరే: పవన్

‘చిన్నప్పుడు అమితాబ్ బచ్చన్ అంటే నాకు విపరీతమైన పిచ్చి ఉండేది. కాని అన్నయ్య హీరో అయిఅన్ తరువాత ఆయన తప్ప మరెవరు హీరోగా కనిపించలేదు. హీరో అంటే అన్నయ్యే. ఈరోజున నేను ఈ స్థాయిలో ఉన్నానంటే.. అందుకు మా అన్నయ్య.. వదినే కారణం’ అన్నారు పవర్ స్టార్ పవన్ కళ్యాణ్.

‘నాకు  అన్నయ్య అంటే ఎంత ఇష్టం అనే విషయాన్ని పది మంది ముందూ చెప్పుకోవడం నాకు ఇష్టం ఉండదు. కాని ఒక సమయం సందర్భం వచ్చినప్పుడు మాట్లాడటానికి నేను వెనకడుగు వేయను. ‘నేను చదువుకోకుండా.. ఇంట్లో తిని తిరుగుతుంటే.. అన్నయ్య మాత్రం ఎండల్లో కష్టపడుతూ.. తనకు సరిపోని షూస్ వేసుకొని.. కాళ్ళు వాసిపోయి.. ఇంటికి వచ్చిన ఆయన షూస్ తీసుకోలేక చతికిలపడితే.. ఆ కాలి సాక్స్ నేను తీసేవాడిని. ఆయన సాక్స్ తాలూకు చెమట వాసన నాకు సువాసనలా ఉండేది. కష్టం ఎంత గొప్పగా వుటుందో అప్పడర్ధమైయింది’ అని జ్ఞాపకం తెచ్చుకున్నారు పవన్.