నాని విలన్ … సుధీర్ బాబు హీరో..!

బాఘీ చిత్రం తో బాలీవుడ్ లో విలన్ గా సుధీర్ బాబు ఎంట్రీ ఇవ్వగా.. ఆయన నటనకు ప్రేక్షకులు మంచి మార్కులు వేశారు. పలువురు చిత్ర ప్రముఖులు సుధీర్ నటనను ప్రశంసించారు. ఆదివారం ట్విట్టర్ వేదికగా సుదీర్ బాబు తన అభిమానులతో, ప్రశ్నోత్తరాలతో సరదాగా గడిపాడు.

మహేష్ బాబు తో కాకుండా ఎవరితో మీరు మల్టీ స్టారర్ చిత్రంలో నటించడానికి ఆసక్తి చూపుతారని ఓ అభిమాని సుధీర్ బాబును ప్రశ్నించగా.. నాని, ఎన్‌టి‌ఆర్ లతో కలిసి నటించడానికి సిద్దంగా ఉన్నట్లు సమాధానమిచ్చాడు. ఇందుకు స్పందించిన నాని .. ఈ సారి సుధీర్ బాబు హీరో గా నటిస్తే.. తాను విలన్ పాత్ర పోషిస్తాడని తెలిపాడు.  ప్రస్తుతం నాని ఇంద్రగంటి మోహన కృష్ణ దర్శకత్వంలో తెరకెక్కుతున్న జెంటిల్ మన్ చిత్రంలో నటిస్తున్నాడు. ఈ చిత్రం త్వరలోనే ప్రేక్షకుల ముందుకు రానుంది.