కొంతమంది హీరోలకు కొన్ని రకాల కథలు బాగా సూట్ అవుతాయి. అయా హీరోల మార్కెట్ పెరగడానికి, ప్రేక్షకుల్లో మంచి గుర్తింపు రావడానికి కొన్ని రకాల కథలు దోహదపడతాయి. ఆయా హీరోలు ఇమేజ్ కు భిన్నంగా ప్రయత్నాలు చేస్తే మాత్రం పాజిటివ్ రిజల్ట్ కంటే నెగిటివ్ రిజల్ట్ వచ్చే అవకాశాలే ఎక్కువగా ఉంటాయి. నాచురల్ స్టార్ నాని రెండేళ్ల క్రితం స్పోర్ట్స్ బ్యాక్ డ్రాప్ తో తెరకెక్కిన జెర్సీ సినిమాలో నటించిన సంగతి తెలిసిందే.
జెర్సీ సినిమాకు పాజిటివ్ టాక్ వచ్చినా కలెక్షన్లపరంగా ఈ సినిమా చెప్పుకోదగ్గ ఫలితాన్ని అందుకోలేదు. మరోవైపు ఎంసీఏ తరువాత హీరో నానికి ఆ స్థాయి హిట్ లేదు. ప్రస్తుతం నాని టక్ జగదీష్, శ్యామ్ సింగరాయ్, అంటే సుందరానికి సినిమాల్లో నటిస్తుండగా టక్ జగదీష్ సినిమా రిలీజ్ కు సిద్ధంగా ఉంది. కరోనా సెకండ్ వేవ్ కేసులు తగ్గితే ఈ సినిమా మొదట విడుదలయ్యే అవకాశాలు ఉన్నాయి. ఇలాంటి సమయంలో నాని మరో స్పోర్ట్స్ బ్యాక్ డ్రాప్ స్టోరీపై దృష్టి పెట్టారని తెలుస్తోంది.
ఫుట్ బాల్ నేపథ్యంలో ఈ సినిమా తెరకెక్కనుందని తెలుస్తోంది. తెలుగులో స్పోర్ట్స్ బ్యాక్ డ్రాప్ తో కొన్ని సినిమాలు తెరకెక్కగా ఆ సినిమాలు కూడా హిట్ ఫలితాన్ని అందుకోలేదు. నాని మరో స్పోర్ట్స్ బ్యాక్ డ్రాప్ సినిమాలో నటించాలని తీసుకున్న నిర్ణయం తప్పని సినీ విశ్లేషకులు భావిస్తున్నారు. స్పోర్ట్స్ బ్యాక్ డ్రాప్ తో నాని హీరోగా తెరకెక్కిన భీమిలి కబడీ జట్టు చేదు ఫలితాన్ని అందుకున్న సంగతి తెలిసిందే. అదే పొరపాటును నాని మళ్లీ రిపీట్ చేస్తారో లేదో చూడాల్సి ఉంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
