నేచురల్ స్టార్ నాని ఇప్పటివరకూ తన కెరీర్ మొత్తం మాగ్జిమమ్ ఒక ఇద్దరు హీరోయిన్స్ తో మాత్రమే రొమాన్స్ చేశాడు. కానీ.. మొట్టమొదటిసారిగా ఒకే సినిమాలో ఏకంగా అయిదుగురు హీరోయిన్స్ తో రొమాన్స్ చేసేందుకు సన్నద్ధమవుతున్నాడు. విక్రమ్ కుమార్ దర్శకత్వంలో నాని కథానాయకుడిగా తెరకెక్కనున్న సినిమాలో నానికి జోడీగా అయిదుగురు అందగత్తెలు కనిపించనున్నారట. ప్రస్తుతం “జెర్సీ” సినిమా షూటింగ్ లో యమ బిజీగా ఉన్న నాని ఆ తర్వాత విక్రమ్ కుమార్ సినిమా మొదలెట్టానున్నాడు.
ఇకపోతే.. నాని ఈ రెండు సినిమాల తర్వాత ఇంద్రగంటి మోహన్ కృష్ణతో మరో సినిమా చేయనున్నాడని తెలుస్తోంది. మల్టీస్టారర్ గా తెరకెక్కనున్న ఈ చిత్రంలో నాని తోపాటు దుల్కర్ సల్మాన్ కూడా మరో కథానాయకుడిగా నటించనున్నాడని వినికిడి. చూస్తుంటే.. గత కొన్ని సినిమాలుగా నాని కోల్పోయిన తన ఫామ్ ను తిరిగి పొందే పనిలో బిజీగా ఉన్నట్లు అర్ధమవుతోంది.
