కెరీర్ ప్రారంభం నుండీ విభిన్న కథల్ని ఎంచుకుంటూ మంచి క్రేజ్ ను సొంతం చేసుకున్నాడు నాని. అభిమానులు నేచురల్ స్టార్ గా పిలుచుకునే నాని నిర్మాతలకి మినిమం గ్యారంటీ హీరో అనడంలో సందేహం లేదు. ఇక పేక్షకుల్లో కూడా నాని సినిమా అంటే కచ్చితంగా బాగుంటుంది అనే నమ్మకం ఏర్పడింది. ఇక ప్రస్తుతం విక్రమ్ కుమార్ డైరెక్షన్లో ‘గ్యాంగ్ లీడర్’ అనే చిత్రంలో నటిస్తున్నాడు. ఇది నానికి 24 వ చిత్రం కావడం విశేషం. సెప్టెంబర్ లో ఈ చిత్రం ప్రేక్షకుల ముందుకు రానుంది.
ఇక ఈ చిత్రం చేస్తూనే తన 25వ చిత్రాన్ని ఇంద్రగంటి మోహనకృష్ణ డైరెక్షన్లో చేయడానికి రెడీ అయిపోయాడు. ఈ చిత్రానికి ‘వి’ అనే టైటిల్ ను ఫిక్స్ చేసి అనౌన్స్ చేసేసారు కూడా. ఈ చిత్రంలో నాని సీరియల్ కిల్లర్ గా నెగిటివ్ షేడ్స్ ఉన్న పాత్రలో కనిపించబోతున్నాడు. ఆసక్తికరమైన విషయం ఏమిటంటే ఈ చిత్రం కోసం నాని ‘సిక్స్ ప్యాక్’ చేస్తున్నాడట. ఇందుకోసం ఆయన జిమ్ లో గట్టిగానే కసరత్తులు చేస్తున్నట్టు సమాచారం. ఇప్పటి వరకూ నేచురల్ లుక్ లో కనిపిస్తూ వచ్చిన నాని ఇప్పుడు కండల వీరుడుగా కూడా మారబోతున్నాడన్న మాట. ఇక ‘వి’ చిత్రంలో సుధీర్ బాబు కూడా మరో హీరోగా నటిస్తున్నాడు. నివేదా థామస్ .. అదితీరావు హైదరీ లు హీరోయిన్లు గా నటిస్తున్నారు.
