నిఖిల్ నటించిన మరో పాన్ ఇండియా మూవీ స్పై జూన్ 29 న రిలీజ్ కాబోతుంది. గ్యారీ బి హెచ్ డైరెక్ట్ చేసిన ఈ మూవీ టీజర్, ట్రైలర్స్ ఆకట్టుకున్నాయి. ప్రమోషన్లలో భాగంగా ఈరోజు , హైదరాబాద్ లో ఉన్న వెస్టిన్ హోటల్ లో ప్రీ రిలీజ్ ఈవెంట్ ను ఏర్పాటు చేసింది చిత్ర బృందం. దీనికి ముఖ్య అతిథిగా నాగ చైతన్య విచ్చేసి టీమ్ కి ఆల్ ది బెస్ట్ చెప్పాడు.
ఇక ఈ ఈవెంట్ లో భాగంగా నిఖిల్ మాట్లాడుతూ.. “నేను ఈ సినిమా చేయడానికి కారణం రాజశేఖర్ రెడ్డి గారు. సినిమాకి ఆయన డబ్బు, ప్యాషన్ మాత్రమే పెట్టలేదు. ఆయన ఐడియాలజీని కూడా పెట్టారని చెప్పాలి. కార్తికేయ 2 రిలీజ్ కాకుండానే నన్ను ఈ పెద్ద ప్రాజెక్టుకి లాక్ చేసారు ఆయన. ఆయన నా పై పెట్టుకున్న నమ్మకానికి పెద్ద థాంక్స్. తేజ్ గారికి నేను ‘శ్వాస’ అనే సినిమా చేయాలి. కానీ అది చేయలేకపోయాను.. ఇది చేయడం హ్యాపీగా ఉంది.
ఈ సినిమాకి గ్యారీ బెస్ట్ ఛాయిస్ అని చెప్పాలి. ఈరోజుతో సినిమా మొత్తం కంప్లీట్ అయ్యింది. నేను ఈ సినిమా చూసాను . చూసిన వెంటనే నేను వెళ్లి గ్యారీని హగ్ చేసుకుని ఒక్కటే మాట చెప్పాను. ‘థాంక్స్ గ్యారీ అని’. అంత బాగుంది సినిమా. మా సినిమా పోస్టర్ రిలీజ్ అయినప్పుడు సూపర్ రెస్పాన్స్ వచ్చింది. అందుకు అనంత్ కి థాంక్స్ చెప్పాలి. టీజర్, ట్రైలర్స్ కి కూడా సూపర్ రెస్పాన్స్ వచ్చింది. మీరు టికెట్ బుక్ చేసుకోండి.
100 శాతం మా సినిమా కంటెంట్ బాగుంటుంది. జూన్ 29 న మీరు థియేటర్ కి వస్తే మీరు.. ఆశించినట్లే మేము ఓ మంచి సినిమా ఇచ్చామని మీరు అంటారు. నా గత సినిమాలకి నేను క్లాప్స్ కొట్టలేదు. ఈ సినిమాకి కొట్టాను. ‘స్పై’ సినిమాకి పనిచేసిన టీం అందరికీ థాంక్స్. స్పెషల్ గా ఆర్యన్ రాజేష్ అన్నకి థాంక్స్. సొంతం లాంటి సినిమా తీసిన మీతో పనిచేయడం హ్యాపీగా ఉంది. మన కాంబోలో ఇంకో ఫుల్ మూవీ రావాలి అనిపిస్తుంది.
అభినవ్ గోమటం అయితే ‘సేవ్ ది టైగర్స్’ మాత్రమే కాదు .. మూవీస్ ని కూడా సేవ్ చేస్తున్నాడు అని చెప్పాలి. ఇక ఈ వేడుకకి నాగ చైతన్య రావడం చాలా హ్యాపీగా ఉంది. ఓ మంచి సినిమాని సపోర్ట్ చేయడానికి మీరు వచ్చినందుకు థాంక్స్. మీ ఎంట్రీ తో ట్విట్టర్ షేక్ అవుతూ ఉంటుంది. క్లీన్ యు/ఎ ఇచ్చారు సెన్సారు వాళ్ళు. సో ఫ్యామిలీ అంతా వెళ్లి సినిమా చూడొచ్చు. జూన్ 29 న థియేటర్స్ లో ఈ సినిమాని చూడండి. థాంక్యూ” అంటూ చెప్పుకొచ్చాడు.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
