రానాతో కలిసి నటించే ఆఫర్ వస్తే రిజెక్ట్ చేసాడట..!

‘హ్యాపీ డేస్’ తో ఇండస్ట్రీకి పరిచయమైన నిఖిల్ ఆ తరువాత ‘యువత’ చిత్రంతో కూడా ఆకట్టుకున్నాడు. కానీ తరువాత కొన్ని రొటీన్ మాస్ సినిమాలు చేసి చేతులు కాల్చుకుని.. అసలు నిఖిల్ సినిమా అంటే లైట్ తీసుకోవచ్చు అనే స్టేజికి పడిపోయాడు. కానీ తరువాత ‘స్వామి రారా’ ‘కార్తికేయ’ ‘ఎక్కడికి పోతావ్ చిన్నవాడా’ వంటి విభిన్న కథా చిత్రాలు చేసి మళ్ళీ తనకంటూ ప్రత్యేకమైన క్రేజ్ ను సంపాదించుకున్నాడు. ఇక ఈయన నటించిన తాజా చిత్రం ‘అర్జున్ సురవరం’ నవంబర్ 29న(ఈరోజు) విడుదల కాబోతుంది. ఈ చిత్రం కచ్చితంగా హిట్ అవుతుందని ఎంతో ఆశగా ఉన్నాడు నిఖిల్. ఇదిలా ఉంటే ‘బాహుబలి’ నేషనల్ వైడ్ ఫేమస్ అయిన రానా తో కలిసి నటించే అవకాశం వస్తే ఈ కుర్ర హీరో రిజెక్ట్ చేసాడట.

తాజాగా ఓ సందర్భంలో మాట్లాడిన నిఖిల్ ..” ‘అర్జున్ సురవరం’ సినిమాలో ఫ్యామిలీ ఎమోషన్స్ కూడా ఉంటాయి. కుటుంబ సమేతంగా చూసే సినిమాలు చేయకపోతే ఇంట్లోకి రానివ్వనని మా అమ్మ చెప్పడంతో, అప్పటి నుంచి ఫ్యామిలీ ఎమోషన్స్ కూడా నా సినిమాల్లో ఉండేలా చూసుకుంటున్నాను. ఇక ఈ మధ్య కాలంలో నాకు బాధ కలిగించిన సంఘటన ఒకటి జరిగింది. హిందీ సినిమా ‘హాథీ మేరీ సాథీ’ లో ఓ ముఖ్యమైన పాత్ర ఉందని చెప్పి, నన్ను చేయమని.. రానా అడిగాడు. తనతో నాకు మంచి ఫ్రెండ్ షిప్ ఉంది. అలాగే జంతువుల నేపథ్యంలో సాగే కథలన్నా నాకు చాలా ఇష్టం. అయితే డేట్స్ కుదరని కారణంగా ఆ సినిమా చేయలేకపోయాను. ఆ అవకాశాన్ని వదులుకున్నందుకు ఇప్పటికీ బాధగానే ఉంది” అంటూ చెప్పుకొచ్చాడు. రానాతో నటించే అవకాశం వస్తే ఇండియా వైడ్ పాపులర్ అయిపోవచ్చు. కానీ నిఖిల్ ఛాన్స్ మిస్ చేసుకున్నాడు. దీంతో ‘ఇది మరీ టు మచ్’ అంటూ అతని సన్నిహితులు కామెంట్స్ చేస్తున్నారని వినికిడి.

అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!