‘హలో గురు ప్రేమ కోసమే’ ‘ఇస్మార్ట్ శంకర్’ ‘రెడ్’ వంటి చిత్రాలతో హిట్లు కొట్టి ఫామ్లో ఉన్నాడు రామ్. ఇందులో ‘ఇస్మార్ట్ శంకర్’ మూవీ పెద్ద బ్లాక్ బస్టర్ అయ్యింది. రామ్ మార్కెట్ ను డబుల్ చేసింది. అందుకే ఇప్పుడు తమిళ స్టార్ డైరెక్టర్ లింగుస్వామితో ‘వారియర్’ అనే బైలింగ్యువల్ మూవీ చేస్తున్నాడు. మరో పక్క బోయపాటి శ్రీనుతో కూడా సినిమా చేయబోతున్నట్లు అధికారిక ప్రకటన వచ్చింది. ఇప్పుడు రామ్ మరో సినిమాకి కూడా గ్రీన్ సిగ్నల్ ఇచ్చినట్లు వినికిడి.
ఆ దర్శకుడు మరెవరో కాదు ‘హరీష్ శంకర్’. మాస్ సినిమాలు తీయడంలో హరీష్ శంకర్ దిట్ట. అతని సినిమాల్లో హీరో చాలా ఎనర్జిటిక్ గా ఉంటాడు. అతని సినిమాల్లో డైలాగులు కూడా అందరిలో ఎనర్జీ నింపే విధంగా ఉంటాయి.వీళ్లిద్దరి కలయికలో సినిమా అంటే ‘ఇస్మార్ట్ శంకర్’ కి డబుల్ ఉంటుంది అనడంలో అతిశయోక్తి లేదు. రామ్ ఎనర్జీని మ్యాచ్ చేసే కథ .. హరీష్ వద్ద ఉందట. ఈ మధ్యనే వీరిద్దరి మధ్య కథాచ‌ర్చ‌లు కూడా జ‌రిగాయ‌ని వినికిడి.
అయితే.. హరీష్ శంకర్ పవన్ తో ఓ సినిమా చేయాల్సి ఉంది. మైత్రి మూవీ మేకర్స్ వారు ఆ ప్రాజెక్టుని నిర్మించాల్సి ఉంది. నిజానికి 6 నెలల క్రితమే ఈ ప్రాజెక్టు ప్రారంభం కావాలి.. కానీ పవన్ కళ్యాణ్ కమిట్ అయిన ప్రాజెక్టుల వల్ల లేట్ అవుతుంది. జూన్ లేదా జూలైలో ఈ మూవీ సెట్స్ పైకి వెళ్లే అవకాశం ఉంది. హరీష్ శంకర్ సినిమాలను ఫాస్ట్ గా తెరకెక్కించడంలో దిట్ట.
అన్నీ కుదిరితే 6 నెలల్లో ప్రాజెక్టుని కంప్లీట్ చేయగలడు. కాబట్టి.. 2023 ఆరంభంలోనే ఆ మూవీ ఫినిష్ అయ్యే అవకాశం ఉంటుంది. ఈ గ్యాప్ లో రామ్.. బోయపాటిల సినిమా ఫినిష్ చేసుకోవచ్చు.
Most Recommended Video
10 ఏళ్ళ ‘గబ్బర్ సింగ్’ గురించి 12 ఆసక్తికరమైన విషయాలు..!
‘చెల్లమ్మ’ టు ‘మ మ మహేషా’.. జోనిత గాంధీ పాడిన 10 సూపర్ హిట్ పాటల లిస్ట్..!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు..!
Home