త్రివిక్రమ్ దగ్గర తన కోరికని బయటపెట్టిన రామ్..!

‘అల వైకుంఠపురములో’ వంటి విజయవంతమైన చిత్రం తరువాత.. ఎన్టీఆర్ తో సినిమా చెయ్యాలనుకున్నాడు త్రివిక్రమ్. ‘ఆర్.ఆర్.ఆర్’ పూర్తయిన వెంటనే.. ఎన్టీఆర్ తో త్రివిక్రమ్ సినిమా ఉంటుందని నిర్మాతలు కూడా అధికారికంగా ప్రకటించారు. కానీ లాక్ డౌన్ వల్ల ప్లానింగ్ అంతా తారుమారు అయిపోయింది. ‘ఆర్.ఆర్.ఆర్’ పూర్తవ్వడానికి మరో ఏడాది పట్టినా ఆశ్చర్యపడనవసరం లేదు.అప్పటివరకూ ఖాళీగా ఉండడం ఇష్టం లేక .. మహేష్ తో సినిమా చెయ్యాలి అనుకున్నాడు త్రివిక్రమ్. మహేష్ కూడా రెడీనే.. కానీ స్క్రిప్ట్ వర్కౌట్ అవ్వడం లేదని టాక్.

దాంతో ఓ మీడియం రేంజ్ హీరోకి సరిపడా స్క్రిప్ట్ ఉండడంతో.. రామ్ తో సినిమా చెయ్యాలని త్రివిక్రమ్ డిసైడ్ అయ్యాడట. రామ్ పెదనాన్న ‘స్రవంతి’ రవికిశోర్ కు త్రివిక్రమ్ కు మంచి సాన్నిహిత్యం ఉంది. డైరెక్టర్ గా మారిన తరువాత త్రివిక్రమ్ తెరకెక్కించిన మొదటి చిత్రం ‘నువ్వే నువ్వే’ ను నిర్మించింది కూడా ‘స్రవంతి’ రవికిశోరే అన్న సంగతి తెలిసిందే. అంతకు ముందు ఆయన నిర్మించిన ‘నువ్వు నాకు నచ్చావ్’ చిత్రానికి కూడా రైటర్ గా పనిచేసాడు త్రివిక్రమ్.

ఆ అనుబంధంతోనే రామ్ తో సినిమా చెయ్యమని త్రివిక్రమ్ ను ఎప్పుడో అడిగారట ‘స్రవంతి’ రవికిశోర్. ఇన్నాళ్టికి త్రివిక్రమ్ … రామ్ తో సినిమా చెయ్యడానికి రెడీ అయినట్టు తెలుస్తుంది. ఇక రామ్ కూడా.. ’40 కోట్ల బడ్జెట్లో ‘జులాయి’ వంటి యాక్షన్ మరియు ఫ్యామిలీ ఎంటర్టైనర్ ను రూపొందించమని త్రివిక్రమ్ ను కోరాడట. త్వరలోనే ఈ ప్రాజెక్టుకి సంబంధించిన అధికారిక ప్రకటన వచ్చే అవకాశం ఉందని సమాచారం.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?