Hero Ram: మొత్తానికి స్టార్ట్ అయిన ‘స్కంద’ ప్రమోషన్స్.. !

‘స్కంద’.. రామ్, బోయపాటి శ్రీను కలయికలో రూపొందిన సినిమా. టీజర్, ట్రైలర్, పాటలు వంటివి వచ్చాయి. అవి మాస్ ఆడియన్స్ ను మెప్పించాయి. బాలకృష్ణ అతిధిగా ప్రీ రిలీజ్ ఈవెంట్ కూడా నిర్వహించడం జరిగింది. అంతకు మించిన ప్రమోషన్స్ అయితే ఈ మూవీకి ఇప్పటివరకు జరగలేదు. ఇది చిన్న సినిమా అని చెప్పలేం. పాన్ ఇండియా లెవెల్లో బిగ్ బడ్జెట్ తో తెరకెక్కిన మూవీ. అన్ని భాషల్లోనూ ఏకకాలంలో రిలీజ్ చేయాలని ప్లాన్ చేశారు.

అలాంటప్పుడు ప్రమోషన్స్ ఫుల్ స్వింగ్ లో నిర్వహించాలి. కానీ స్కంద టీం ఈ విషయంలో చాలా నెమ్మదిగా వ్యవహరించింది. కంటెంట్ బాగుంటే… కొన్ని సినిమాలు మౌత్ టాక్ తోనే జనాల్లోకి బాగా వెళ్లిన సందర్భాలు ఉన్నాయి. ఉదాహరణకి ‘జైలర్’ ని చెప్పుకోవచ్చు. కానీ రజనీ ఇమేజ్ తో రామ్ (Hero Ram) ఇమేజ్ ని పోల్చలేం కదా. మొత్తానికి ఈ విషయాన్ని ‘స్కంద’ టీం గ్రహించినట్టు తెలుస్తుంది.

అందుకే ఈరోజు ‘బాబు రెడీ బాబు’ అంటూ బోయపాటి శ్రీను స్టైల్లో ప్రమోషన్స్ ను మొదలు పెట్టింది. హీరో, హీరోయిన్ కలిసి సుమతో ఓ ఇంటర్వ్యూ చేశారు. అలాగే నటీనటులు మీడియాతో ఇంటరాక్ట్ అయ్యే అవకాశాలు కూడా కనిపిస్తున్నాయి. మరి మిగిలిన భాషల్లో కూడా ప్రమోషన్స్ ను ఫుల్ స్వింగ్ లో మొదలుపెడతారా? లేదా అనేది చూడాలి. సెప్టెంబర్ 28 అనేది పాన్ ఇండియా సినిమాలకి మంచి డేట్ అని ట్రేడ్ పండితులు చెబుతున్నారు.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!