‘రెడ్’ తో ఆ సెంటిమెంట్ మరోసారి నిజమైందట..!

సినీ పరిశ్రమ అంటేనే సెంటిమెంట్లకు పెద్ద పీట వేసే పరిశ్రమ అని చాలా మంది అంటుంటారు. ఇక్కడ సినిమాకి కొబ్బరి కాయ కొట్టే దగ్గరనుండీ గుమ్మడి కాయ కొట్టేవరకూ.. నిర్మాత, దర్శకుడు, హీరో లు.. చాలా సెంటిమెంట్లను ఫాలో అవుతుంటారు. వీళ్ళు మాత్రమే కాదు.. హీరోల అభిమానులు కూడా చాలా సెంటిమెంట్లు ఫాలో అవుతారు. ఇదంతా ఎందుకు చెబుతున్నాను అంటే.. హీరో రామ్ కు కూడా ఓ సెంటిమెంట్ బాగా కలిసొస్తుందట. వాళ్ళ అభిమానులు ఈ విషయాన్ని చెబుతూ కొన్ని ఆధారాలను కూడా చూపిస్తున్నారు. ప్రస్తుతం రామ్ తన ‘రెడ్’ చిత్రంతో థియేటర్లలో సందడి చేస్తున్నాడు.

ఈ చిత్రం విడుదలైన 5 రోజుల్లోనే బ్రేక్ ఈవెన్ కంప్లీట్ చేసి క్లీన్ హిట్ గా నిలిచింది.ఇప్పటికీ సక్సెస్ ఫుల్ గా రన్ అవుతూనే ఉంది ‘రెడ్’. ఈ నేపథ్యంలో జనవరి నెల.. రామ్ కు బాగా కలిసొస్తుందని ఆయన అభిమానులు నమ్ముతున్నారు.అదెలా అంటే.. రామ్ హీరోగా ఎంట్రీ ఇచ్చిన ‘దేవదాసు’ చిత్రం 2006 జనవరి 11న విడుదలై బ్లాక్ బస్టర్ అయ్యింది. అటు తరువాత 2009 జనవరి 14న ‘మస్కా’ తో ప్రేక్షకుల ముందుకు వచ్చాడు రామ్. ఈ చిత్రం మొదటి వారం పూర్తయ్యేసరికే బ్రేక్ ఈవెన్ కంప్లీట్ చేసుకోవడమే కాకుండా నిర్మాతకు లాభాలను కూడా మిగిల్చింది.

ఇక అటు తరువాత కిశోర్ తిరుమల డైరెక్షన్లో రామ్ నటించిన ‘నేను శైలజ’ చిత్రం 2016 జనవరి 1న విడుదలయ్యింది. ఈ చిత్రం కూడా సూపర్ హిట్ గా నిలిచింది. ఇక ఈ సంక్రాంతికి అంటే 2021 జనవరి 14న ‘రెడ్’ తో ప్రేక్షకులు ముందుకు వచ్చిన రామ్.. మరో హిట్ ను తన ఖాతాలో వేసుకున్నాడు. అంతేకాదు రామ్ కు ఇది హ్యాట్రిక్ హిట్ కావడం మరో విశేషం. ‘హలో గురు ప్రేమ కోసమే’ ‘ఇస్మార్ట్ శంకర్’ వంటి వరుస హిట్ల తరువాత ‘రెడ్’ తో హ్యాట్రిక్ కంప్లీట్ అయ్యింది. అందుకే రామ్ కు జనవరి నెల బాగా కలిసొస్తుందని అతని అభిమానులు నమ్ముతున్నారు.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!