ఎనర్జటిక్ హీరో రామ్ నేను శైలజ సినిమా తర్వాత రెండు అపజయాలను వెనకేసుకున్నారు. మంచి హిట్ అందుకోవాలని “నేను లోకల్” తో హిట్ ట్రాక్ లో ఉన్న త్రినాధరావు నక్కిన దర్శకత్వంలో నటిస్తున్నారు. వీరిద్దరి కాంబోలో తెరకెక్కుతోన్న “హలో గురు ప్రేమ కోసమే” లో హీరోయిన్ అనుపమ పరమేశ్వరన్ నటిస్తోంది. ఈ సినిమా షూటింగ్ చివరి దశకు చేరుకుంది. అయితే ఇప్పుడు ఈ సినిమాకి చిక్కులు వస్తున్నాయి. కొన్ని రోజుల క్రితం అనుపమ షూటింగ్ స్పాట్ లో కళ్ళు తిరిగిపడిపోయి రెండు రోజులు షూటింగ్ ఆగిపోయింది. మళ్ళీ ఇప్పుడు టెక్నీషియన్స్ గొడవ వల్ల ఒక రోజు షూటింగ్ ఆపాల్సి వచ్చింది.
డైరెక్టర్ చెప్పాల్సిన పనులను రైటర్ చెబుతుండటంతో ఈగో హర్ట్ అయిన సినిమాటోగ్రాఫర్ వెంటనే అతడిపై ఫైర్ అయినట్లు సమాచారం. ఏమైనా చెబితే డైరెక్టర్ చెప్పాలి గానీ రైటర్ చెబుతుండటమేంటని సినిమాటోగ్రాఫర్ అసహనం వ్యక్తం చేయడంతో డైరక్టర్ త్రినాథరావు షాక్ తిన్నారు. ఇక తాను కలిగించుకుని ఇద్దరినీ కూల్ చేసినట్లు సమాచారం. ఈ గొడవ కారణంగా ఒక రోజు షూటింగ్ ఆగిపోయిందని తెలుస్తోంది. ఈ సినిమా దసరా కానుకగా అక్టోబర్ 18వ తేదీన థియేటర్లోకి రానుంది.
Home