సుమంత్ అశ్విన్ కి పెళ్లి కుదిరిందా..?

ప్రముఖ నిర్మాత, దర్శకుడు ఎమ్మెస్ రాజు ఇంట్లో త్వరలోనే పెళ్లి బాజాలు మోగనున్నట్లు తెలుస్తోంది. ఆయన కుమారుడు, యంగ్ హీరో సుమంత్ అశ్విన్ కి పెళ్లి కుదిరినట్లు తెలుస్తోంది. దీపిక అనే అమ్మాయితో ఆయన వివాహం జరగనున్నట్లు వార్తలు వినిపిస్తున్నాయి. కరోనా కాలం కావడంతో తక్కువ మంది సమక్షంలోనే హైదరాబాద్ లోనే ఈ పెళ్లి తంతు పూర్తి చేయాలని భావిస్తున్నారట. అయితే ఇది ప్రేమ వివాహమా..? లేక పెద్దలు కుదిర్చిన వివాహమా..? అనే విషయంలో క్లారిటీ లేదు.

మరి ఈ విషయంపై హీరో సుమంత్ లేదా అతడి తండ్రి ఎమ్మెస్ రాజు గానీ స్పందిస్తారేమో చూడాలి. ఇక సుమంత్ కెరీర్ విషయానికొస్తే.. తండ్రి ఎమ్మెస్ రాజు దర్శకత్వంలో ‘తూనీగ తూనీగ’ సినిమాతో హీరోగా ఎంట్రీ ఇచ్చాడు. కానీ ఈ సినిమా ఆశించిన స్థాయిలో సక్సెస్ కాలేదు. ఆ తరువాత ఇంద్రగంటి మోహన్ కృష్ణ దర్శకత్వంలో నటించిన ‘అంతకముందు ఆ తరువాత’ సినిమా హిట్ అవ్వడంతో అతడికి హీరోగా అవకాశాలు వచ్చాయి.

‘కేరింత’, ‘లవర్స్’ ఇలా వరుసగా కమర్షియల్ చిత్రాల్లో నటించారు. ప్రస్తుతం ఈ హీరో ‘ఇదే మా కథ’ అనే సినిమాలో నటిస్తున్నారు. ఇందులో శ్రీకాంత్, భూమిక, తాన్యా హోప్ లు కూడా నటిస్తున్నాడు. గురు పవన్ డైరెక్ట్ చేస్తోన్న ఈ సినిమా షూటింగ్ దశలో ఉంది.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!