నటుడు సుమంత్ గురించి ‘కట్టె కొట్టె తెచ్చె’ అన్నంత సింపుల్ గా వర్ణించవచ్చు. తన తాత అక్కినేని నాగేశ్వరరావు గారి మనవడు గా, నాగార్జున మేనల్లుడిగా సినిమాల్లోకి ఎంట్రీ ఇచ్చాడు. 3,4 హిట్లు కొట్టిన తర్వాత హీరోయిన్ కీర్తి రెడ్డిని పెళ్లి చేసుకున్నాడు. తర్వాత కొన్ని కారణాల వల్ల ఆమెతో విడాకులు తీసుకుని ఇప్పుడు క్యారెక్టర్ ఆర్టిస్ట్ గా సినిమాలు చేసుకుంటున్నాడు అంతే..! ప్రస్తుతం సుమంత్ సింగిల్ గానే ఉన్నాడు. అందుకే అప్పుడప్పుడు ఆమెను పెళ్లి చేసుకోబోతున్నాడు, ఈమెను పెళ్లి చేసుకోబోతున్నాడు అంటూ వార్తలు వస్తుంటాయి.
తాజాగా సుమంత్ గురించి మరో రూమర్ కూడా వైరల్ అవుతుంది. అదేంటి అంటే..తన మాజీ భార్య కీర్తి రెడ్డిని మర్చిపోలేక పోవడం వల్లనే అతను మరో పెళ్లి చేసుకోలేదట. ఈ విషయాల పై తాజాగా సుమంత్ స్పందించాడు.అలాగే తన కెరీర్ గురించి కూడా ఆసక్తికరమైన కామెంట్లు చేశాడు. సుమంత్ మాట్లాడుతూ.. “ఒకే ఫీల్డ్ లో ఉన్న ఇద్దరు పెళ్లి చేసుకున్నంత మాత్రాన విడిపోరనే గ్యారెంటీ ఏమీ లేదు. చాలా మంది సినిమా ఫ్యామిలీ వాళ్ళు కూడా ఇలా పెళ్లి చేసుకున్నారు, అలా విడిపోయారు.
పెళ్లి అనేది కొంతమందికి అవసరం కానీ అందరికీ కాదు. నన్ను వదిలేసి వెళ్లిపోయిన అమ్మాయిని మర్చిపోలేకపోతున్నా అనే మాట అబద్ధం.నేను చాలా హ్యాపీగా ఉన్నాను. నా లైఫ్ లో మళ్ళీ తనని కలవాలని ఎప్పుడూ అనిపించలేదు. నేను మంచి సినిమాలు చేశాను, బాగా డబ్బు సంపాదించాను, మంచి వాటిల్లో ఇన్వెస్ట్ చేసాను. కాబట్టి డబ్బు సంపాదన కోసం సినిమాలు చేయాల్సిన అవసరం నాకు లేదు. సినిమాల్లో నా క్యారెక్టర్స్ వేరు, నేను వేరు. భార్యాభర్తలు ఎవరైనా సరే నా సలహాలు అస్సలు తీసుకోకూడదు.
ఎందుకంటే లైఫ్ లో అన్ని కష్టాలు కానీ, అంత గుడ్ రిలేషన్ షిప్ అనేది లేదు.ప్రొఫెషన్ పరంగా ఫెయిల్యూర్ ఐన మూవీస్ కూడా చాలా నేర్పిస్తాయి. లైఫ్ లో హ్యాపీగా లేనివాళ్లే పాత విషయాల గురించి ఆలోచిస్తారు. కానీ నేను నా ఫ్యామిలీతో చాలా హ్యాపీగా ఉన్నాను. సినిమాలు ఫ్లాప్ అయినప్పుడు నెగిటివ్ థాట్స్ వస్తాయి కానీ ఫ్యామిలీ సపోర్ట్ గా ఉంటే పెద్దగా సమస్య ఉండదు. ఫెయిల్యూర్స్ వస్తాయి అలాగే టైం వస్తే హిట్స్ కూడా వస్తాయి. కొంచెం ఓపిక పట్టాలి అంతే” అంటూ సుమంత్ చెప్పుకొచ్చాడు.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home
