కన్నడ రియల్ స్టార్ ఉపేంద్ర. ఆయన భార్య ప్రియాంక ఉపేంద్ర ప్రధాన పాత్రలో నటించిన ‘డిటెక్టివ్ తీక్షణ’ ట్రైలర్ విడుదల కార్యక్రమంలో పాల్గొన్న ఉపేంద్ర.. తన భార్యను ఉద్దేశించి ఎంతో గొప్పగా మాట్లాడారు. ‘డిటెక్టివ్ తీక్షణ’ గొప్ప విజయం సాధించాలని చిత్ర యూనిట్‌కు ఆయన శుభాకాంక్షలు తెలిపారు. బెంగళూరులోని ఆర్టిస్ట్స్ అసోసియేషన్ ఆడిటోరియంలో శుక్రవారం ఈ ట్రైలర్ విడుదల కార్యక్రమం ఘనంగా జరిగింది. ఈ కార్యక్రమంలో ఉపేంద్ర మాట్లాడుతూ.. ‘ప్రతి మహిళలోనూ ఒక డిటెక్టివ్ ఉంటారు. ప్రత్యేకంగా నా ఇంట్లో మరీ ఎక్కువ.
ప్రతి భర్తకు తన భార్య డిటెక్టివే. డిటెక్టివ్ పాత్రలను సరిగ్గా మలిచినప్పుడు అవి తెరమీద అద్భుతంగా వస్తాయి. ట్రైలర్‌లో మ్యూజిక్ రోమాలు నిక్కబొడిచేలా ఉంది. ప్రియాంక 50 చిత్రాలు పూర్తి చేసింది. నేను ఇంకా 46వ చిత్రం దగ్గరే ఉన్నాను. మా వందో చిత్రానికి మేమిద్దరం కలిసి పని చేస్తామని ఆశిస్తున్నాను. ‘డిటెక్టివ్ తీక్షణ’ పెద్ద హిట్ అవ్వాలని కోరుకుంటున్నాను. మీ అందరి కష్టానికి తగ్గ ప్రతిఫలం కచ్చితంగా ఈ చిత్రం మీకు అందిస్తుంది’ అని అన్నారు.
ప్రియాంక ఉపేంద్ర (Upendra) మాట్లాడుతూ.. ‘నేను 50 చిత్రాల్లో నటించానని తలుచుకున్నప్పుడు అవి 50 సెకండ్లులా అనిపిస్తాయి. దీనికి కారణం ఆయా చిత్రాల్లో నన్ను ఎంచుకున్న దర్శక నిర్మాతలే. నేను ఎవరు ఏం చెప్పినా వినడానికి సిద్ధంగా ఉంటాను. ‘డిటెక్టివ్ తీక్షణ’ కోసం అందరు ఆర్టిస్టులు, టెక్నీషియన్లు ఎంతో కష్టపడి పని చేశారు. రాత్రి రెండు గంటల సమయంలో కూడా సెట్‌లో అందరూ ఎంతో ఉల్లాసంగా ఉండేవారు.
ఈ సినిమాలో నా క్యారెక్టర్ ఫిజికల్‌గా స్ట్రాంగ్‌గా లేకపోయినప్పటికీ మెంటల్‌గా మాత్రం ఎంతో షార్ప్, బ్రిలియంట్. దర్శకుడు త్రివిక్రమ్ రఘుకు ఎంతో గొప్ప భవిష్యత్తు ఉంది’ అని వెల్లడించారు. ఈ చిత్రానికి పి.రోహిత్ సంగీతం సమకూర్చారు. పాన్ ఇండియా సినిమాగా తెరకెక్కిన ‘డిటెక్టివ్ తీక్షణ’ను కన్నడ, తెలుగు, హిందీ, తమిళ, మలయాళం, బెంగాలీ, ఒరియా.. ఇలా ఏడు భాషల్లో విడుదల చేయడానికి నిర్మాతలు సన్నాహాలు చేస్తున్నారు.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
