తమిళ ఇళయ థళపతి విజయ్‌కి తెలుగునాట ఉన్న ఫ్యాన్‌ ఫాలోయింగ్‌ గురించి ప్రత్యేకంగా చెప్పక్కర్లేదు. ఆయన సినిమాలు అప్పుడప్పుడు తెలుగులో వస్తేనే అంత ఫాలోయింగ్‌ వచ్చింది అంటే.. ఇప్పుడు ఏకంగా తెలుగు దర్శుడితో, తెలుగు నిర్మాతతో తమిళంలో ఓ సినిమా చేస్తున్నాడు అనేసరికి ఆ ఫాలోయింగ్‌ ఇంకా పెరిగింది. అలాంటి విజయ్ హైదరాబాద్‌లో ఓ థియేటర్‌కి వచ్చి సినిమా చూసి వెళ్లాడు అంటే నమ్ముతారా? కానీ ఇది జరిగింది. అందులోనూ చూసింది తెలుగు సినిమానే అని టాక్‌.
ఆగస్టు 15న మధ్యాహ్నం నుండి థియేటర్లలో ప్రేక్షకుల సందడి పెరిగింది. ఉదయాన్నే జెండా వందనం చేసేసి, మధ్యాహ్యానికి థియేటర్లకు వచ్చేశారు ప్రేక్షకులు. ఆ రోజులు థియేటర్లలో పెరిగిన ఆక్యుపెన్సీ బట్టే ఈ మాట అంటున్నాం. అలాంటి సమయంలో హైదరాబాద్‌లోని మహేష్‌బాబు థియేటర్ ఏఎంఎబీలో విజయ్ కనిపించాడు. దీంతో ఇంకేముంది మొబైల్‌లో విజయ్‌ను బంధించేశారు ఫ్యాన్స్‌. ఆ వీడియోలు ఇప్పుడు సోషల్‌ మీడియాలో వైరల్‌ అవుతున్నాయి. అయితే విజయ్ ఏ సినిమా చూశాడు అనే విషయంలో క్లారిటీ లేకపోయినా..
అక్కడ ఏ సినిమా ఆడుతోంది, ఆ సమయానికి ఏ సినిమా విడిచి పెడతారు అనే కాన్సెప్ట్‌ ప్రకారం విజయ్ ‘బింబిసార’ చూసి ఉండొచ్చు అనే టాక్‌ వినిపిస్తోంది. విజయ్ ఓ స్క్రీన్‌ నుండి బయటకు వస్తున్న చిన్న వీడియో క్లిప్‌ సోషల్‌ మీడియాలో కనిపిస్తోంది. అందులో మహేష్‌బాబు ఫొటో కూడా ఉంది. ఆ లెక్కన ఆ వీడియో షూట్‌ చేసింది ఏఎంబీలోనే అని ఫిక్స్‌ అయ్యారు. అలా మహేష్‌బాబు థియేటర్‌లో విజయ్ అంటూ ఫ్యాన్స్‌ సందడి చేస్తున్నారు. ఒకవేళ విజయ్ ‘బింబిసార’ చూసి ఉంటే మాత్రం సూపర్‌ అని చెప్పొచ్చు. ఆ సినిమాకు వస్తున్న రెస్పాన్స్‌కి విజయ్ కూడా తోడైనట్లే.
ఇక విజయ్ సంగతి చూస్తే.. ప్రస్తుతం ‘వారిసు’ (తెలుగులో ‘వారసుడు’) సినిమా చేస్తున్నాడు. వంశీ పైడిపల్లి దర్శకత్వం వహిస్తున్న ఈ సినిమాను దిల్‌ రాజు నిర్మిస్తున్నారు. ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది. అన్నట్లు ఈ సినిమా నిర్మాణంలో పీవీపీ నిర్మాణ సంస్థ కూడా ఉంది. ఆ బ్యానర్‌పై పరమ్ వి పొట్లూరి, పెరల్ వి. పొట్లూరి ఈ సినిమాను సంయుక్తంగా నిర్మిస్తున్నారు.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home