సురేష్ బాబు అనే పేరు గబుక్కున చెబితే ఎవరూ గుర్తుకుపట్టకపోవచ్చు కానీ.. సురేష్ ప్రొడక్షన్స్ అధినేత సురేష్ బాబు అంటే గుర్తుపట్టనివారుండరు. కేవలం సౌత్ ఇండస్ట్రీలోనే కాదు నార్త్ లోనే నిర్మాతగా సురేష్ బాబుకు మంచి ప్రాముఖ్యత ఉంది. అసలు “బాహుబలి” లాంటి సూపర్ సక్సెస్ తర్వాత కూడా రాణాని సురేష్ బాబు కొడుకు అనే ఇంకా గుర్తిస్తున్నారంటే ఒక డిస్ట్రిబ్యూటర్ గా, నిర్మాతగా ఆయన తెలుగు చిత్రసీమలో వేసిన పునాదులు అర్ధం చేసుకోవచ్చు.
అయితే.. ఇటీవల విక్రమ్-తమన్నా జంటగా తమిళంలో తెరకెక్కిన “స్కెచ్” అనే చిత్రాన్ని తెలుగులోనూ అదే పేరుతో విడుదల చేస్తున్నారు. ఈ చిత్రం తెలుగు డిస్ట్రిబ్యూషన్ ను సురేష్ బాబు టేకోవర్ చేశారు. దాంతో తెలుగు ప్రమోషన్స్ లో సురేష్ బాబు కూడా పాలుపంచుకొంటున్నారు. ఇటీవల ఓ ప్రెస్ మీట్ లో తమన్నా తమ సినిమా డిస్ట్రిబ్యూటర్ సురేష్ బాబు గురించి మాట్లాడుతూ.. “ఈయన రాణా ఫాదర్” అని విక్రమ్ తో సరదాగా అనగా.. విక్రమ్ వెంటనే “ఏంటి సార్ మీరు రాణా ఫాదరా, మీకు అంత పెద్ద కొడుకు ఉన్నాడా?” అని చమత్కరించాడు. దాంతో సురేష్ బాబుతోపాటు అక్కడున్నవాళ్ళంతా టక్కున నవ్వారు.
