విశాల్ కెరియర్ లో బిగ్గెస్ట్ హిట్ అవుతుందా..?

తమిళ హీరో విశాల్ కి తెలుగులో మంచి మార్కెట్ ఉంటుంది. విశాల్ ఎంచుకునే సినిమాలు , కాన్సెప్ట్స్ చాలా విభిన్నంగా ఉంటాయి. అలాగే, తెలుగులో కూడా విశాల్ కి మంచి ఫ్యాన్ ఫాలోయింగ్ ఉంది. రీసంట్ గా అభిమన్యుడు సినిమాతో మంచి సక్సెస్ ని అందుకున్నాడు మనోడు. ఇప్పుడు చక్ర అంటూ ఫిబ్రవరి 19వ తేదిన థియేటర్స్ లో సందడి చేయబోతున్నాడు. అసలు ఈ చక్ర సినిమా ఎలా ఉండబోతోంది అనేది చూసినట్లయితే, ఇది ఒక డిజిటల్ క్రైమ్ నేపథ్యంలో రూపొందిన యాక్షన్ థ్రిల్లర్ కథగా ఉంటుందని తెలుస్తోంది. రీసంట్ గా విడుదల అయిన ట్రైలర్ కి, పోస్టర్స్ కి మంచి రెస్పాన్స్ వచ్చిన సంగతి తెలిసిందే.

ఎం ఎస్ ఆనందన్ డైరెక్ట్ చేసిన ఈ మూవీ ఇప్పుడు సినీ ప్రేమికుల్లో ఆసక్తిని నింపుతోంది. అత్యున్నతమైన సాంకేతిక ప్రమాణాలతో ఈసినిమా ఉంటుందని ట్రైలర్ చూస్తుంటే అర్ధమవుతోంది. మరి ఈ సినిమాతో విశాల్ బంపర్ హిట్ కొడతాడా అనేది ఇప్పుడు చాలా ఇంట్రస్టింగ్ మేటర్. ఎందుకంటే, తెలుగులో ప్రస్తుతం పెద్ద సినిమాలు ఏమీ లేవు. ఫిబ్రవరి 16వ తేదిన నితిన్ చెక్ సినిమా, అలాగే సందీప్ కిషన్ ఎ1 ఎక్స్ ప్రెస్ సినిమాలు మాత్రమే ఉన్నాయి. మూడురోజులు గ్యాప్ లో విశాల్ సినిమా వస్తోంది కాబట్టి మార్కెట్ కి ఢోకా ఉండదు.

ఇక ఏరియా వైజ్ డిస్ట్రిబ్యూటర్స్ కూడా ఈ సినిమాని తీసుకునేందుకు ఉత్సాహాన్ని చూపిస్తున్నారు. రీసంట్ గా జరిగిన ప్రీ రిలీజ్ ఈవెంట్ లో తమ అభిప్రాయాలని సైతం పంచుకున్నారు. నైజాం, సీడెడ్, ఈస్ట్ , వెస్ట్ లలో విశాల్ కి మంచి ఓపెనింగ్స్ వస్తాయని భావిస్తున్నారు. అంతేకాదు, ఈటైమ్ లో సినిమా ఏమాత్రం హిట్ టాక్ వచ్చినా బాక్సీఫీస్ షేక్ అవ్వడం పక్కా అనే అంటున్నారు. యువన్ శంకర్ రాజా మ్యూజిక్ అందించిన ఈ సినిమాలో శ్రద్ధ శ్రీనాధ్ , రెజీనాలు హీరోయిన్స్ గా నటించారు. మరి చూద్దాం.. విశాల్ ఏ రేంజ్ లో హిట్ కొడతాడు అనేది.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?