యంగ్ టైగర్ ఎన్టీఆర్ ని మళ్లీ హిట్ ట్రాక్ లోకి తీసుకొచ్చిన మూవీ టెంపర్. వక్కంతం వంశీ కథ అందించగా పూరి జగన్నాథ్ పవర్ ఫుల్ గా తెరకెక్కించారు. నెగటివ్ షేడ్స్ ఉన్న పోలీస్ ఆఫీసర్ పాత్రలో ఎన్టీఆర్ అదరగొట్టారు. కలక్షన్స్ తో పాటు రికార్డులను, అవార్డులను సొంతం చేసుకున్న ఈ సినిమాని విశాల్ తమిళంలో రీమేక్ చేయడానికి సిద్ధమవుతున్నారు. లైట్ హౌస్ బ్యానర్ వారితో కలిసి విశాల్ ఈ సినిమాను నిర్మిస్తున్నారు. గతంలో మురుగదాస్ దగ్గర అసిస్టెంట్ గా పనిచేసిన వెంకట్ మోహన్ ఈ సినిమాని డైరెక్ట్ చేయనున్నారు.
ఇందులో విశాల్ కి జోడీగా రాశి ఖన్నాను ఎంపిక చేసినట్లు తెలిసింది. ఊహలు గుసగుసలాడే సినిమాతో టాలీవుడ్ లోకి ఎంట్రీ ఇచ్చిన ఈ భామ సుప్రీమ్, జై లవ కుశ సినిమాలతో మంచి విజయాన్ని అందుకుంది. రీసెంట్ గా ఆమె నటించిన “తొలిప్రేమ” హిట్ కొట్టడంతో తెలుగుతో పాటు తమిళంలోనూ అవకాశాలు వెల్లువెత్తాయి. తెలుగులో రెండు సినిమాలకి సైన్ చేయగా… తమిళంలో సిద్ధార్థ్, అధర్వ, జయం రవి చిత్రాల్లో హీరోయిన్ గా సెలక్ట్ అయింది. తాజాగా టెంపర్ రీమేక్ లో నటించే ఛాన్స్ అందుకుంది. ఈ జోరు చూస్తుంటే టాలీవుడ్, కోలీవుడ్ లలో రాశీఖన్నా టాప్ హీరోయిన్ గా పేరుతెచ్చుకోవడం గ్యారంటీ అని సినీ విశ్లేషకులు చెబుతున్నారు.
