యశ్ బర్త్ డే కోసం ఫ్యాన్స్ ఏర్పాట్లు చూస్తే మతిపోవాల్సిందే.

ఒక్క సినిమా ఆ హీరో ఇమేజ్ మరియు స్టార్ డమ్ పూర్తిగా మార్చివేసింది. ఏకంగా పాన్ ఇండియా స్టార్ లెవెల్ గుర్తింపు తెచ్చింది. ఆ చిత్రం కెజిఎఫ్… ఆ హీరో యశ్. యశ్ నటించిన కేజిఎఫ్ చిత్రం పై మొదట్లో ఎటువంటి అంచనాలు లేవు. అలాంటిది విడుదల తరువాత ప్రభంజనంలా పేలింది.కన్నడతో పాటు తెలుగు, తమిళ మరియు హిందీ బాషలలో విడుదలైన ఈ చిత్రం అన్ని చోట్ల బంపర్ హిట్ సాధించింది. రాఖీ గా యశ్ అద్భుత నటన, దర్శకుడు ప్రశాంత్ నీల్ స్క్రీన్ ప్లే మాయ మరియు మైమరిపించే విజువల్స్ ఈ చిత్రాన్ని ఎక్కడికో తీసుకెళ్లాయి.

ఇక కేజిఎఫ్ మొదటి భాగం సాధించిన విజయం స్ఫూర్తిగా కేజిఎఫ్ ఛాప్టర్ 2 అత్యధిక బడ్జెట్ తో భారీ ఎత్తున చిత్రీకరిస్తున్నారు. ఈ మూవీ చిత్రీకరణ చివరి దశకు చేరుకుందని సమాచారం. కాగా నేడు హీరో యశ్ పుట్టినరోజు వేడుకను ఫ్యాన్స్ ఘనంగా నిర్వహించారు. ఆయన కోసం ప్రపంచంలోనే అతిపెద్ద కటౌట్ 250అడుగులతో ఏర్పాటు చేశారు. అలాగే 5000 కేజీల బరువు, 215 అడుగుల పొడవు గల కేక్ తయారు చేయించి యశ్ చేత కట్ చేయించారు. తమ అభిమాన హీరో యశ్ కొరకు ఫ్యాన్స్ చేసిన ఈ భారీ ఏర్పాట్లు చూసిన వారు ఇది జస్ట్ క్రేజ్ కాదు అంతకు మించి అంటున్నారు. సౌత్ నుండి ఇండియా పరిధిలో 200కోట్ల వసూళ్లు సాధించిన హీరోలలో యశ్ ఒకరు.అంతకు ముందు ఈ ఘనత సాధించింది, రజిని మరియు ప్రభాస్ మాత్రమే. ఇటీవల బిగిల్ సినిమాతో విజయ్ ఈ లిస్ట్ లో చేరారు. ఒక సాధారణ హీరోగా ఉన్న యశ్, కేజిఎఫ్ మూవీతో అందనంత ఎత్తుకు వెళ్లిపోయారు. కేజిఎఫ్ మూవీలో బాలీవుడ్ హీరో సంజయ్ దత్ అధీర అనే ప్రధాన విలన్ పాత్ర చేస్తున్నారు.

1

2

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!