Koratala Siva: కొరటాలకు ఆ హీరోలు ఓకే చెబుతారా?

April 22, 2022 / 08:04 PM ISTByFilmy Focus

Join Us

Koratala Siva: కొరటాలకు ఆ హీరోలు ఓకే చెబుతారా?

తెలుగులోని టాలెంటెడ్ డైరెక్టర్లలో కొరటాల శివ ఒకరనే సంగతి తెలిసిందే. ఆచార్యతో మరో సక్సెస్ ను సొంతం చేసుకుంటానని కొరటాల శివ కాన్ఫిడెన్స్ తో ఉన్నారు. వేగంగా సినిమాలను తెరకెక్కించే డైరెక్టర్ గా కొరటాల శివకు పేరు ఉండగా ఆచార్య షూటింగ్ మాత్రం అంతకంతకూ ఆలస్యమైంది. అయితే ఎన్టీఆర్ సినిమా షూటింగ్ ను జూన్ లో మొదలుపెట్టి వీలైనంత వేగంగా పూర్తి చేయాలని కొరటాల శివ భావిస్తున్నారు. ఈ సినిమా నుంచి అలియా భట్ హీరోయిన్ గా తప్పుకుందని వార్తలు వస్తున్నా ఆ వార్తల గురించి మేకర్స్ క్లారిటీ ఇవ్వలేదు.

Click Here To Watch NOW

ఈ సినిమాలో తారక్ కు జోడీగా రష్మిక ఫిక్స్ అయిందని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. అయితే ఎన్టీఆర్ సినిమాను తెరకెక్కించే కథ కాకుండా కొరటాల శివ దగ్గర రెండు కథలు ఉన్నాయని తెలుస్తోంది. ఆ రెండు కథలకు హీరోలు కావాలని సమాచారం. చాలా సంవత్సరాల క్రితం కొరటాల శివ డైరెక్షన్ లో చరణ్ హీరోగా ఒక ప్రాజెక్ట్ కు సంబంధించిన ప్రకటన వెలువడగా కొన్ని కారణాల వల్ల ఆ సినిమా ఆగిపోయింది.

ఈ సినిమా కథ కొరటాల శివ దగ్గరే ఉండిపోయింది. బన్నీతో కొరటాల శివ ఒక సినిమాను తెరకెక్కించాలని భావించి బౌండ్ స్క్రిప్ట్ ను సిద్ధం చేశారు. అయితే వేర్వేరు కారణాల వల్ల ఈ ప్రాజెక్ట్ కూడా పట్టాలెక్కలేదనే సంగతి తెలిసిందే. ఈ రెండు కథలలో రాబోయే రోజుల్లో చరణ్, బన్నీ నటిస్తారో లేక వేరే హీరోలతో కొరటాల శివ ముందుకెళతారో చూడాల్సి ఉంది. కొరటాల శివ మాత్రం టాలీవుడ్ ఇండస్ట్రీలోని అందరు స్టార్ హీరోలతో సినిమాలను తెరకెక్కించాలని భావిస్తున్నారు.

మాస్ ప్రేక్షకులతో పాటు క్లాస్ ప్రేక్షకులు కూడా మెచ్చే విధంగా కొరటాల శివ కథలు, సినిమాలు ఉండటం గమనార్హం. కొరటాల శివ భవిష్యత్తు ప్రాజెక్ట్ లతో కూడా విజయాలు అందుకోవాలని ఫ్యాన్స్ కోరుకుంటున్నారు.