తమిళ స్టార్ హీరో విక్రమ్ నటించిన లేటెస్ట్ సినిమా ‘మహాన్’ అమెజాన్ ప్రైమ్ లో విడుదలైన సంగతి తెలిసిందే. కార్తిక్ సుబ్బరాజ్ డైరెక్ట్ చేసిన ఈ సినిమాలో విక్రమ్ తో పాటు ఆయన కుమారుడు ధృవ్ కూడా నటించారు. ఈ సినిమాకి ప్రేక్షకుల నుంచి మంచి రెస్పాన్స్ వస్తోంది. సినిమాలో తండ్రీకొడుకుల యాక్షన్ మాములుగా లేదు. ఒకరినిమించి మరొకరు నటించారు. కేవలం వారి నటన కోసమే ఈ సినిమా చూడొచ్చు.
అయితే ఈ సినిమా చూసిన తరువాత కొందరు ఆడియన్స్ షాకయ్యారు. ఎందుకంటే.. సినిమాలో హీరోయిన్ గా నటించిన వాణి భోజన్ ఎక్కడా కనిపించలేదు. సింగిల్ ఫ్రేమ్ లో కూడా ఆమె కనిపించలేదు. కోలీవుడ్ కి చెందిన ఈ బ్యూటీని ‘మహాన్’ సినిమాలో ఎంపిక చేసుకున్నట్లు నిర్మాతలు ప్రకటించారు. వాణి భోజన్ సంబంధించిన పోస్టర్ కూడా బయటకొచ్చింది. విక్రమ్ తో ఆమె షూటింగ్ లో పాల్గొన్నట్లు కొన్ని ఫొటోలు కూడా సోషల్ మీడియాలో కనిపించాయి.
కానీ కొన్ని కారణాల వలన ఆమె పాత్రను కట్ చేశారు. మెయిన్ రీజన్ రన్ టైం అని చెబుతున్నారు. ఇప్పటికే సినిమా 2 గంటల 42 నిమిషాల వరకు ఉంది. వాణి రోల్ కూడా యాడ్ చేసి ఉంటే మూడు గంటలు దాటేసేది. ఓటీటీ సినిమా మూడు గంటలంటే వర్కవుట్ అవ్వదని ఆమె పాత్రను ఎడిటింగ్ లో తీసేశారు. కారణమేదైనా.. తన పాత్రను సినిమా నుంచి తీసేయడంతో వాణి భోజన్ చాలా అప్సెట్ అయిందట.
‘మహాన్’ లాంటి పెద్ద సినిమాలో అవకాశం రావడంతో ఈ సినిమాపైనే తన ఆశలన్నీ పెట్టుకుంది. కానీ ఈ సినిమా తనకు నిరాశను మిగిల్చింది. తెలుగులో ఈ బ్యూటీ ‘మీకు మాత్రమే చెప్తా’ అనే సినిమాలో తరుణ్ భాస్కర్ కి జోడీగా కనిపించింది. ఆ తరువాత తెలుగులో అవకాశాలు రాకపోవడంతో కోలీవుడ్ కి వెళ్లిపోయింది.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home
