Divyansha Kaushik: రవితేజ, చైతన్యలలో ఉన్న కామన్ క్వాలిటీ ఇదే!

July 25, 2022 / 01:57 PM ISTByFilmy Focus

Join Us

Divyansha Kaushik: రవితేజ, చైతన్యలలో ఉన్న కామన్ క్వాలిటీ ఇదే!

టాలీవుడ్ స్టార్ హీరోలలో ఒకరైన రవితేజ నటించిన రామారావు ఆన్ డ్యూటీ మరో ఐదు రోజుల్లో థియేటర్లలో విడుదల కానుంది. దివ్యాంశ కౌశిక్, రజిషా విజయన్ ఈ సినిమాలో హీరోయిన్లుగా నటించారు. శరత్ మండవ డైరెక్షన్ లో భారీ బడ్జెట్ తో ఈ సినిమా తెరకెక్కింది. మజిలీ తర్వాత గ్యాప్ రావడం గురించి దివ్యాంశ కౌశిక్ స్పందిస్తూ కరోనా వల్ల గ్యాప్ వచ్చిందని ఇన్ స్టాగ్రామ్ లో షేర్ చేసిన ఫోటోల వల్ల ఈ సినిమాలో అవకాశం దక్కిందని తెలిపారు.

రవితేజకు నేను అభిమానినని రవితేజతో కలిసి పని చేయాలని నాకు ఎప్పటినుంచో ఉండేదని దివ్యాంశ కౌశిక్ చెప్పుకొచ్చారు. ఈ మూవీలో నా పాత్ర కొత్తగా ఉంటుందని నందిని అనే పాత్రలో నేను కనిపిస్తానని దివ్యాంశ కౌశిక్ కామెంట్లు చేశారు. రవితేజను ఫస్ట్ టైమ్ కలిసిన సమయంలో నెర్వస్ గా ఫీలయ్యానని ఆమె చెప్పుకొచ్చారు. నేను హలో సార్ హౌ ఆర్ యు అని అడిగేలోగా రవితేజ హే కూర్చో ముంబాయా? ఢిల్లీనా? అని అడగటంతో భయం పోయిందని ఆమె అన్నారు.

రామారావ్ ఆన్ డ్యూటీ మూవీలో బలమైన పాత్ర దక్కిందని సినిమాలో హౌస్ వైఫ్ గా, హోమ్లీ గర్ల్ గా కనిపిస్తానని ఆమె కామెంట్లు చేశారు. రజిషా విజయన్ మంచి నటి అని సినిమాలో ఆమె రోల్ కు చాలా ఇంపార్టెన్స్ ఉంటుందని దివ్యాంశ కౌశిక్ అన్నారు. నాగచైతన్య, రవితేజ భిన్నమైన వ్యక్తులు అని రవితేజ ఎనర్జిటిక్ గా ఉంటే చైతన్య కామ్ గా ఉంటారని ఆమె వెల్లడించారు. అయితే రవితేజ, చైతన్య సెట్స్ లో ఫ్రాంక్స్ చేస్తుంటారని ఇదే వీరిద్దరి మధ్య ఉన్న కామన్ క్వాలిటీ అని ఆమె చెప్పుకొచ్చారు.

దర్శకుడు కథ చెప్పిన సమయంలో దర్శకుడి విజన్ ను చూస్తానని ఆమె కామెంట్లు చేశారు. ప్రభాస్, చరణ్, ఎన్టీఆర్, మహేష్ అందరు హీరోలతో పని చేయాలని ఉందని ఆమె చెప్పుకొచ్చారు. అన్నిరకాల పాత్రలను చేయాలని ఉందని ఆమె కామెంట్లు చేశారు. సుధీర్ వర్మ డైరెక్షన్ లో ఒక సినిమాలో మైఖేల్ అనే మరో సినిమాలో నటిస్తున్నానని ఆమె చెప్పుకొచ్చారు.