‘వకీల్‌సాబ్‌’ మీకు నచ్చని అంశాలేంటి అని అడిగితే.. ఠక్కున చెప్పే విషయాల్లో శ్రుతి హాసన్‌ అని అంటారు. ఆమె కనిపించే సీన్ల ప్రభావమో, ఆమె కనిపించిన విధానమో కానీ ఆ సినిమాకు శ్రుతి హాసన్‌ పెద్ద మైనస్‌ అయ్యి కూర్చుంది. అయితే సెకండాఫ్‌ సూపర్‌గా ఉండటంతో సినిమా రాణించేసింది. ఇప్పుడు ఆమె గురించి ఎందుకు అంటే… బాలకృష్ణ – గోపీచంద్‌ మలినేని సినిమా కోసం శ్రుతిని అనుకుంటున్నారట. దీంతో బాలయ్య అభిమానులు ఆలోచనల్లో పడిపోయారు.
హీరోయిన్లు నాజూకుగా ఉంటే బాగుంటారు కానీ, అదేదో పీల్చి పిప్పిచేసినట్లు కనిపిస్తే బాగుండరు. శ్రుతిని ‘వకీల్‌సాబ్‌’లో చూస్తే అదే అనిపించింది. ఇప్పుడు అదే లుక్‌లో బాలకృష్ణ పక్కన కూడా కనిపిస్తే ప్రేక్షకులు హర్షించరు. బాలయ్య లాంటి నిండు విగ్రహం పక్కన శ్రుతిని అలా చూడటం కష్టమే కదా. అయితే అసలు గోపీచంద్‌ మలినేని మనసులో ఏముందో తెలియడం లేదు. ఆమెను ఓకే చేసేశాడా. లేక వేరే ఆలోచనలు చేస్తున్నాడో తెలియదు. మామూలుగా అయితే గోపీచంద్‌కి శ్రుతి సెంటిమెంట్‌.
ఇక గోపీచంద్‌ మలినేని సినిమాలో బాలయ్య డ్యూయల్‌ రోల్‌ అని టాక్‌. ఫ్యాక్షనిజం నేపథ్యంలో రూపొందబోతున్న ఈ సినిమాలో ఒక బాలకృష్ణ ఫ్యాక్షనిస్ట్‌గా, ఇంకో బాలకృష్ణ పోలీసుగా కనిపిస్తారట. మరి శ్రుతి హాసన్‌ను ఏ బాలయ్య పక్కన చూపిస్తారు అనేది తెలియడం లేదు. ఒక సీనియర్‌ బాలయ్య పక్కన చూపిస్తే, జూనియర్‌ బాలయ్యకు ఇంకో హీరోయిన్‌ను చూస్తారు. లేదు సీనియర్‌ బాలయ్య పక్కన సీనియర్‌ యాక్టర్‌ను తీసుకుంటే… జూనియర్‌ బాలయ్య పక్కన శ్రుతిని ఫిక్స్‌ చేసినట్లే.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
‘జెర్సీ’ లోని ఈ 15 ఎమోషనల్ డైలాగ్స్ ను ఎప్పటికీ మరచిపోలేము..!
Home