బాలీవుడ్‌కి అర్జంట్‌గా ఏం కావాలి? ఈ ప్రశ్నకు దాదాపు బాలీవుడ్ జనాలు అంతా చెప్పే మాట ‘పునర్‌ వైభవం’. అవును, భారతీయ సినిమ అంటే బాలీవుడ్ సినిమా అనేలా ఒకప్పుడు పరిస్థితి ఉండేది. అయితే కరోనా – లాక్‌డౌన్‌ తర్వాతి పరిస్థితుల నేపథ్యంలో సినిమా జనాల ఆలోచనలు మారాయి. దీంతో బాలీవుడ్ సినిమాలకు కేక్‌ వాక్‌ కాస్త మేకు వాక్‌ అయిపోయింది. ఏ మాత్రం తేడా కొట్టినా సినిమాకు ఫ్లాప్‌, డిజాస్టర్‌ పలకరిస్తున్నాయి. ఈ సమయంలో కొత్త తరం అవసరం అని, కొత్త తరానికి సరైన సినిమా అవసరం అని వాదనలు వినిపిస్తున్నాయి.
అయితే, బాలీవుడ్‌లో ఇలాంటి ప్రయత్నం చేస్తున్న సమయంలో సీనియర్‌ స్టార్ హీరో అభిమానులు ఇప్పుడు ఆందోళన వ్యక్తం చేస్తున్నారు. బాలీవుడ్ సినిమాలను ఫాలో అయ్యేవాళ్లు అయితే ఇదంతా ‘డాన్ 3’ సినిమా గురించే అని చెప్పేస్తారు. అవును షారుఖ్‌ ఖాన్‌ – ఫరాన్‌ అక్తర్‌ కాంబోకు స్టార్ కాంబినేషన్‌ అనే పేరు తీసుకొచ్చిన ‘డాన్’ సిరీస్‌లో మూడో సినిమాను అనౌన్స్‌ చేశారు. అయితే ఇందులో హీరో షారుఖ్‌ కాదు… రణ్‌వీర్‌ సింగ్‌. ఇప్పుడు ఈ మార్పే బాలీవుడ్‌లో ఇబ్బందిగా మారింది.
బాలీవుడ్ హిట్ ఫ్రాంచైజీలో (Don3) ‘డాన్’ ఒకటి. ఇందులో మూడో సినిమాను టీజర్‌ ద్వారా అనౌన్స్‌ చేశారు. స్టైల్‌గా కూర్చుని ఉన్న రణ్‌వీర్‌ సింగ్‌ అలా లేచి నడిచి వెళ్లి లైటర్‌తో సిగార్‌ వెలిగించడం ఆ టీజర్‌లో కంటెంట్‌. అయితే దానికి కాస్త బాలీవుడ్ స్టైల్‌ సినిమాటిక్‌ సీన్స్‌ ఉన్నాయనుకోండి. ఆ విషయం పక్కనపెడితే షారుఖ్‌ను కాదని, కొత్తగా రణ్‌వీర్‌ సింగ్‌ను తీసుకోవడం బాద్‌షా ఫ్యాన్స్‌కు నచ్చలేదు. దీంతో దర్శకుడు ఫరాన్‌ అక్తర్‌ను ఉద్దేశించి ట్విటర్‌లో కామెంట్స్‌ చేస్తున్నారు.
ఆ చర్చ అలా నడుస్తున్న సమయంలోనే ఈ సినిమాలో హీరోయిన్‌ ఎవరు అనే విషయంలో ఓ క్లారిటీ వచ్చింది. సినిమా టీమ్‌ ఇప్పటికే ఓ నిర్ణయానికి వచ్చింది అంటున్నారు. ‘గేమ్‌ ఛేంజర్‌’తో త్వరలో రాబోతున్న కియారా అడ్వాణీని తీసుకుంటున్నారట. ఇప్పటికే వీరిద్దరినీ ఓ సినిమా కోసం తీసుకున్నారు. శంకర్‌ దర్శకత్వంలో రూపొందాల్సిన ‘అపరిచితుడు’ రీమేక్‌ ప్రస్తుతం హోల్డ్‌లో ఉన్న విషయం తెలిసిందే.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
