Sridevi Soda Center Movie:’శ్రీదేవి సోడా సెంటర్’ లో హీరోయిన్ పై క్లారిటీ..!

కెరీర్ ప్రారంభం నుండీ విభిన్నమైన చిత్రాల్లో నటిస్తూ ప్రేక్షకులను ఆకట్టుకుంటూ వస్తోన్న సుధీర్‌ బాబు.. త్వరలో ‘శ్రీదేవి సోడా సెంటర్’ చిత్రంతో ప్రేక్షకుల ముందుకు రానున్నాడు. ‘పలాస 1978’ వంటి బోల్డ్ మూవీని తెరకెక్కించి విమర్శకుల ప్రశంసలు అందుకున్న కరుణ కుమార్ ఈ చిత్రానికి దర్శకుడు.ఇటీవల సుధీర్ బాబు పుట్టినరోజు కావడంతో ‘శ్రీదేవి సోడా సెంట‌ర్’ నుండీ అతను పోషిస్తున్న లైటింగ్ సూరిబాబు పాత్రను పరిచయం చేస్తూ ‘లైటింగ్ ఆఫ్ సూరిబాబు’ పేరుతో ఓ గ్లింప్స్ ను విడుదల చేశారు.

దానికి సూపర్ రెస్పాన్స్ వచ్చింది.ముఖ్యంగా శ్యామ్‌దత్ సైనుద్దీన్ అందించిన సినిమాటోగ్రఫీ నెక్స్ట్ లెవల్ లో ఉందని చెప్పాలి. ఇదిలా ఉండగా.. ఈ చిత్రంలో టైటిల్ రోల్ పోషిస్తున్న హీరోయిన్ ఎవరు అనే ఆసక్తి, ఈ ప్రాజెక్టు మొదలైనప్పటి నుండీ అందరిలోనూ నెలకొంది.కానీ ఇప్పటివరకు ఈ చిత్రంలో హీరోయిన్ ఎవరనే విషయం పై దర్శకనిర్మాతలు క్లారిటీ ఇవ్వలేదు. అయితే ‘పలాస 1978’ లో హీరోయిన్ గా నటించిన నక్షత్రనే ఫైనల్ చేశారనే టాక్ నడిచింది కానీ…

ఆమెను ఖరారు చేయలేదు అనేది తాజా సమాచారం. ఇన్సైడ్ టాక్ ప్రకారం ఈ సినిమాలో హీరోయిన్ గా ‘జాంబీ రెడ్డి’ ఫేమ్ ఆనంది ఎంపికైనట్టు గుసగుసలు వినిపిస్తున్నాయి. ఈ మధ్య కాలంలో ఆమె వరుసగా మంచి మంచి పాత్రలను ఎంపిక చేసుకుని ప్రేక్షకులను మెప్పిస్తున్న సంగతి తెలిసిందే. అయితే ఈ ప్రచారంలో ఎంతవరకు నిజముందో తెలియాలి అంటే అధికారిక ప్రకటన వచ్చే వరకు వేచి చూడాల్సిందే.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!