సీనియర్ హీరోల సినిమాలకు హీరోయిన్లు దొరకడం చాలా కష్టమవుతోంది. ముఖ్యంగా బాలయ్య లాంటి హీరో పక్కన నటించడానికి ఏ హీరోయిన్ ముందు రావడం లేదు. కాల్షీట్లు కుదరకపోవడం వలనో, రెమ్యునరేషన్ ఎక్కువ డిమాండ్ చేయలేకో.. ముందే సైడ్ అయిపోతున్నారు. ప్రస్తుతం బాలయ్య.. బోయపాటి శ్రీను దర్శకత్వంలో ఓ సినిమా చేస్తున్నాడు. ఈ సినిమా కోసం హీరోయిన్లని వెతకడంలో బోయపాటి చాలా కష్టపడ్డాడు. చివరికి ఫామ్ లో లేని పూర్ణ లాంటి హీరోయిన్ ని తీసుకోవాల్సి వచ్చింది.
ఇప్పుడు ఈ సినిమాలో ఐటెం సాంగ్ పెట్టాలని అనుకుంటున్నాడు బోయపాటి. ఆ పాట కోసం స్టార్ హీరోయిన్లను సంప్రదిస్తున్నాడట. కానీ ఏ ఒక్కరూ కూడా సిద్ధంగా లేరని సమాచారం. ఈ సినిమాలో స్టార్ హీరోయిన్ లేకపోవడంతో కనీసం ఐటెం సాంగ్ కోసమైనా.. పేరున్న హీరోయిన్ ని తీసుకొద్దామని బోయపాటి అనుకున్నాడు. కానీ హీరోయిన్లందరూ కూడా మొహమాటం లేకుండా నో చెప్పేస్తున్నారు. దీంతో బోయపాటి ఐటెం గర్ల్ కోసం వెతుకులాట సాగిస్తూనే ఉన్నాడట.
మేలో సినిమా ప్రేక్షకుల ముందుకు రానుంది. కాబట్టి ఏప్రిల్ నాటికి షూటింగ్ పూర్తి చేయాలి. అంటే వచ్చే నెలలో ఐటెం సాంగ్ చిత్రీకరించాలి. ఈలోగా హీరోయిన్ ని సెట్ చేసుకోవాలి. ఈ నెలాఖరు వరకు హీరోయిన్ కోసం ప్రయత్నించి.. అప్పటికీ ఎవరూ దొరకకపోతే బాలీవుడ్ నుండి ఓ కొత్త హీరోయిన్ ని రంగంలోకి దింపాలని చూస్తున్నారు.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
Home
