అర్జున్ రెడ్డిని రీమేక్ చేస్తున్న మూడు చిత్ర పరిశ్రమలు!

సందీప్ రెడ్డి వంగ దర్శకత్వంలో తెరకెక్కిన అర్జున్ రెడ్డి సినిమా కళ్ళు తిరిగే కలక్షన్స్ రాబట్టింది. పెళ్లిచూపులు సినిమాలో లేజీ బాయ్ గా నటించి విజయం అందుకున్న విజయ్ దేవరకొండ ఇందులో యాక్షన్ హీరోగా అదరగొట్టారు. అతని క్యారక్టర్ తెలుగు వారితో పాటు ఇతర భాషల వారికీ కూడా విపరీతంగా నచ్చింది.  అందుకే ఈ చిత్రాన్ని ఆయా భాషల్లో రీమేక్ చేస్తున్నారు. తమిళంలో హీరో ధనుష్ తన బ్యానర్ ద్వారా ఈ సినిమా తమిళ రీమేక్ హక్కులను కొన్నారు.

ఆర్యతో ఈ చిత్రాన్ని తెరకెక్కించడానికి సిద్ధమయ్యారు. బాలీవుడ్ లోను అర్జున్ రెడ్డి రీమేక్ చేయడానికి సన్నాహాలు మొదలయ్యాయి. ఇందులో నటించడానికి యువ హీరోలు పోటీ పడగా రన్ బీర్ సింగ్ సెలక్ట్ అయినట్లు తెలిసింది. కన్నడ రీమేక్ లో యువ హీరో యష్ చేయనున్నారు. మరి ఈ సినిమా ఆయా భాషల్లో ఎంతటి ఘనవిజయం సాధిస్తుందో చూడాలి.