‘బాహుబలి కంక్లూజన్ ట్రైలర్’ విడుదలై ఐదురోజులు అవుతున్న సందడి తగ్గడం లేదు. అత్యధిక వేగంగా 5 కోట్ల వ్యూస్ సాధించి రికార్డు నెలకొల్పిన ఈ వీడియో మరో రికార్డును సృష్టించింది. ప్రస్తుతం యూట్యూబ్‌లో ఎక్కువ లైకులు సొంతం చేసుకొన్న భారతదేశపు వీడియోగా ‘బాహుబలి: ది కన్‌క్లూజన్‌’ ట్రైలర్ ఘనత సాధించింది. పదిలక్షల(అన్ని భాషల్లో కలుపుకొని ) కంటే ఎక్కువ సంఖ్యలో లైకులు అందుకొని ఈ రికార్డును కైవసం చేసుకుంది. ఈ విషయాన్నీ చిత్ర బృందం సోషల్ మీడియా పేజీలో అధికారికంగా ప్రకటించింది.
వీక్షకులకు కృతజ్ఞతలు తెలిపింది. దర్శకధీరుడు ఎస్.ఎస్.రాజమౌళి, యంగ్ రెబల్ స్టార్ ప్రభాస్ కలయికలో బాహుబలి బిగినింగ్ కి కొనసాగింపుగా వస్తున్న ఈ మూవీ ఏప్రిల్‌ 28న ప్రేక్షకుల ముందుకొస్తుంది. ఎం ఎం కీరవాణి స్వరపరిచిన పాటలను ఈనెల 26 న రామోజీఫిల్మ్ సిటీలో వేసిన మాహిష్మతి సెట్ లో అభిమానుల సమక్షంలో విడుదల చేయనున్నారు.
Also, do SUBSCRIBE to our YouTube channel to get latest Tollywood updates.
