HIT 2 Trailer: అంచనాలు పెంచేసిన ‘హిట్ 2’ ట్రైలర్

అడివి శేష్ హీరోగా శైలేష్ కొలను దర్శకత్వంలో ‘హిట్’ చిత్రానికి సీక్వెల్ గా తెరకెక్కుతున్న మూవీ ‘హిట్2′.’వాల్ పోస్టర్ సినిమా’ బ్యానర్ పై నాని, ప్రశాంతి త్రిపురనేని ఈ చిత్రాన్ని నిర్మించారు. టీజర్ ఎంత సెన్సేషన్ క్రియేట్ చేసిందో ప్రత్యేకంగా చెప్పనవసరం లేదు. సినిమా పై భారీ అంచనాలు పెంచేసింది. టీజర్ లో ఆ లాస్ట్ షాట్… ప్రేక్షకులకు పెద్ద షాక్ ఇచ్చింది. కచ్చితంగా సినిమా చూడాలనే ఆసక్తిని పెంచింది. ఇప్పుడు ట్రైలర్ కూడా వచ్చేసింది.

ఇందులో ఇంకాస్త.. కథని తెలిపే ప్రయత్నం చేశారు. సిటీలో ఓ దారుణ‌మైన‌ మ‌ర్డ‌ర్ జ‌రుగుతుంది.ఆ హంత‌కుడ్ని పట్టుకోవడం చాలా ఈజీ అన్నట్టు కెడి(హీరో అడివి శేష్) వాళ్ళవి ‘కోడి బుర్ర‌లు’ అంటాడు. అంతేకాదు 5 నిమిషాల్లో వాళ్ళని పట్టేసుకుంటాను అని ధీమాగా చెబుతాడు. కానీ కెడి చేసిన కామెంట్ ఆ క్రిమిన‌ల్ అహాన్ని దెబ్బ తీస్తుంది. కేడి ని ఆ హంతకుడు ఎన్ని తిప్పలు పెట్టాలో అన్ని తిప్పలు పెడతాడు.

ఆ ప్రాసెస్ ఏంటి అన్నది `హిట్ 2` సినిమా చూసి తెలుసుకోవాలి అన్నట్టు ట్రైలర్ ఉంది. ఈ ట్రైలర్ 2 నిమిషాల 29 సెకన్లు ఉంది. అంతా చాలా సీరియస్ గా సాగింది. టీజర్ లో లానే ట్రైలర్ లో కూడా లాస్ట్ షాట్… ఊహకందని ట్విస్ట్ తో ముగిసింది.

దీంతో డిసెంబర్ 2న విడుదల కాబోయే ‘హిట్2’ పై అంచనాలు పెంచేలా చేసింది అనే చెప్పొచ్చు. వరుస హిట్లతో దూసుకుపోతున్న అడివి శేష్ కు మరో హిట్టు పడే అవకాశం లేకపోలేదు. ట్రైలర్ ను మీరు కూడా ఓ లుక్కేయండి :

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!