HIT2 Teaser: అడివి శేష్ ‘హిట్ – ది సెకండ్ కేస్’ టీజర్‌లో ఇవి గమనించారా!

November 3, 2022 / 11:55 AM ISTByFilmy Focus

Join Us

HIT2 Teaser: అడివి శేష్ ‘హిట్ – ది సెకండ్ కేస్’ టీజర్‌లో ఇవి గమనించారా!

ఇండస్ట్రీలో కొద్దికాలంగా బయోపిక్స్, సీక్వెల్స్ ట్రెండ్ కంటిన్యూ అవుతోంది.. సూపర్ హిట్ అయిన సినిమాలకు సీక్వెల్స్ ప్లాన్ చేసి ఫ్యాన్స్ అండ్ ఆడియన్స్‌లో క్యూరియాసిటీ పెంచుతున్నారు మేకర్స్.. డా. శైలేష్ కొలనుని దర్శకుడిగా పరిచయం చేస్తూ.. వాల్ పోస్టర్ సినిమా బ్యానర్ మీద నేచురల్ స్టార్ నాని సమర్పణలో వచ్చిన ‘హిట్ – ది ఫస్ట్ కేస్’.. యాక్షన్ సస్పెన్స్ థ్రిల్లర్‌గా వచ్చిన ఈ ఫిలిం ఆడియన్స్‌ని ఆకట్టుకుంది. హిందీలో రాజ్ కుమార్ రావుతో శైలేష్ కొలను రీమేకక్ చేయగా మంచి స్పందన వచ్చింది..

ఆ సస్పెన్స్‌ని కంటిన్యూ చేస్తూ మరోసారి ప్రేక్షకులకు థ్రిల్ కలిగించడానికి ‘హిట్ – ది సెకండ్ కేస్’ రాబోతోంది. టాలెంటెడ్ యాక్టర్ కమ్ రైటర్ అడివి శేష్ హీరోగా.. నాని సమర్పణలో, ప్రశాంతి తిపిర్నేని నిర్మిస్తున్నారు. మీనాక్షి చౌదరి హీరోయిన్.. కోమలి ప్రసాద్, రావు రమేష్, తనికెళ్ల భరణి, పోసాని, శ్రీకాంత్ మాగంటి, శ్రీకాంత్ ఐయ్యంగార్ కీలకపాత్రల్లో నటిస్తున్నారు. రీసెంట్‌గా ఈ మూవీ టీజర్ రిలీజ్ చేసింది టీమ్..‘హిట్ – ది 2nd కేస్’ టీజర్ ఇంట్రెస్టింగ్‌గా ఉంది.. రిక్రూట్‌మెంట్ మీదే ఆశలు పెట్టుకుని, డ్యూటీని నిర్లక్ష్యం చేసే పోలీస్ ఆఫీసర్..

అనుకోకుండా ఓ కేస్ కారణంగా తనలో ఎలాంటి మార్పు వచ్చింది?.. ఆ కేసుని ఎలా చేధించాడు అనేది చూపించనున్నారని అర్థమవుతోంది.. శేష్ క్యారెక్టర్, యాటిట్యూడ్, డైలాగ్స్ అన్నీ కొత్తగా ఆకట్టుకుంటున్నాయి. ఫన్‌తో పాటు కథానాయికతో రొమాన్స్ కూడా బాగానే పండించాడు..సరదాగా టీజర్ ఓపెన్ చేసి, మెల్లగా కథలోకి తీసుకెళ్లారు దర్శకుడు.. “యత్ర నార్యస్తు పూజ్యంతే, రమంతే తత్ర దేవతా’’ అనే శ్లోకంతో ఓ అమ్మాయి మర్డర్‌ని రివీల్ చేసి టెన్షన్ క్రియేట్ చేశారు..

అమ్మాయి కాళ్లు, చేతులు, తల వేరు చేయడం చూసి షాక్‌కి గురవడం ఖాయం.. డిపార్ట్‌‌మెంట్ మొత్తానికి ప్రెస్టీజ్ ఇష్యూగా మారిన ఆ మర్డర్ కేసుని హీరో ఎలా డీల్ చేస్తాడు?.. హంతకుణ్ణి ఎలా పట్టుకుంటాడు?.. అనే థ్రిల్లింగ్ ఎలిమెంట్స్‌తో తెరకెక్కుతున్న ‘హిట్ 2’ టీజర్ ఆకట్టుకుంటుంది.. విజువల్స్, బ్యాగ్రౌండ్ స్కోర్ యాప్ట్ అయ్యాయి. డిసెంబర్ 2న సెకండ్ కేస్ ని థియేటర్లలో చూడబోతుున్నాం..