‘నా పేరు సూర్య’కి పనిచేసిన హాలీవుడ్ సినిమాటోగ్రఫర్

రచయితగా హిట్స్ అందుకున్న వక్కంతం వంశీ తొలిసారి మెగాఫోన్ పట్టి.. దర్శకత్వం వహిస్తున్న చిత్రం ‘నా పేరు సూర్య’. ఈ సినిమాలో స్టైలిష్ స్టార్ అల్లు అర్జున్ యాంగ్రీ సోల్జర్ గా కనిపించబోతున్నారు. అను ఇమ్యానుయేల్ హీరోయిన్ గా నటిస్తున్న ఈ మూవీ షూటింగ్ పూర్తి చేసుకొని రిలీజ్ కి ముస్తాబవుతోంది.సంగీత ద్వయం విశాల్-శేఖర్ లు స్వరపరిచిన పాటలు పాటలను ఈనెల 22న రిలీజ్ చేయనున్నారు. ఇది ఇలా ఉంటే ఈ సినిమాకోసం హాలీవుడ్ టెక్నీషియన్స్ పనిచేసినట్లు తెలిసింది. అమెరికాలో చిత్రీకరించిన “లవర్ ఆల్సో ఫైటర్ ఆల్సో” అనే పాటను హాలీవుడ్ సినిమాటోగ్రఫర్ జోసెఫ్ లబిసి చిత్రీకరించినట్టు చిత్ర బృందం తెలిపింది.

జోసెఫ్ లబిసి ‘ది మూవీ హీరో, ది రిపేర్’ వంటి సినిమాలతో పాటు పలువురు పాపులర్ పాప్ మ్యూజిక్ వీడియోలకు సినిమాటోగ్రఫీ అందించారు. ఈ పాటలో అను ఇమ్మాన్యుయేల్, బన్నీలకు కాస్ట్యూమ్స్ కూడ పాపులర్ హాలీవుడ్ కాస్ట్యూమ్స్ డిజైనర్ ఆన్ మేరీ హూంగ్ డిజైన్ చేశారని వెల్లడించింది. ఈమె గతంలో జెన్నిఫర్ లోఫెజ్, నిక్కీ మినాజ్ వంటి పాప్ సింగర్స్ తో కలిసి పనిచేశారు. కె.నాగబాబు సమర్పణలో రామలక్ష్మి సినీ క్రియేషన్స్ బ్యానర్‌లో శిరీష శ్రీధర్, బన్నీ వాసులు కలిసి నిర్మిస్తున్న ఈ మూవీ వచ్చే నెల 4 న థియేటర్లోకి రానుంది.