సల్మాన్ ఖాన్ హీరోయిన్ కి హాలీవుడ్ ఫిల్మ్ సెట్ అయ్యింది

బాలీవుడ్ న‌టి జాక్వెలిన్ ఫెర్నాండేజ్ ప్రేక్ష‌కుల‌ను భ‌య‌పెట్ట‌నుంది. హిందీ చిత్రంతో కాదు..ఇంగ్లీష్ మూవీతో. జాక్వెలిన్ హాలీవుడ్‌లోకి ఎంట్రీ ఇస్తుంది. . జేమ్స్‌ సింప్సన్‌ దర్శకత్వంలో రూపొందిన మూవీ “డెఫినిషన్‌ ఆఫ్‌ ఫియర్‌”. జాక్వెలిన్‌ ఫెర్నాండెజ్, కేథరిన్‌ బార్రెల్, బ్లిత్‌ హుబ్బార్డ్, మెర్సిడీస్‌ పాపాలియా ముఖ్య తారలుగా నటించారు. ఈ సినిమా ట్రైలర్‌ను రిలీజ్‌ చేశారు. “డెఫినిషన్‌ ఆఫ్‌ ఫియర్‌” లాంటి సినిమాతో హాలీవుడ్‌లో ఎంట్రీ ఇస్తున్నందుకు హ్యాపీగా ఉంది.

మూవీ రిలీజ్‌ కోసం ఎగ్జైటెడ్‌గా వెయిట్‌ చేస్తున్నాన‌ని జాక్వెలిన్ పేర్కొంది. సైకలాజికల్‌ థ్రిల్లర్‌గా రూపొందిన ఈ సినిమా మిమ్మల్ని నిద్రపోనివ్వదు. జాక్వెలిన్‌ యాక్టింగ్‌ అమేజింగ్ అని ద‌ర్శ‌కుడు జేమ్స్ చెప్పాడు. ఇకపోతే.. అమ్మడు త్వరలోనే తెలుగులోనూ ఎంట్రీ ఇవ్వనుందని తెలుస్తోంది. మహేష్ బాబు లేదా రామ్ చరణ్ సినిమాతో జాక్వలిన్ తెలుగు ఎంట్రీ ఉండబోతోందట. ఈ విషయమై ఆల్రెడీ సంప్రదింపులు జరుగుతున్నప్పటికీ రెమ్యూనరేషన్ విషయంలోనే తేడా వస్తుంది. అమ్మడు కాస్త తగ్గితే ఇక్కడ కూడా అవకాశాలు వెల్లువెత్తడం ఖాయం.