ఆది సాయికుమార్‌… టాలీవుడ్‌ యువ హీరోల్లో ప్రయత్నం చేస్తూ, సరైన ఫలితం దక్కించుకోలేకపోతున్న హీరో. ఇదేంటి ఇంత మాట అనేశారు అంటారా? మరి ఆయన చేసిన సినిమాల ఫలితాలు అలా ఉన్నాయి మరి. అలుపెరగని యోధుడిలా బాక్సాఫీసుపై వరుసగా దండయాత్రలు చేస్తూనే ఉన్నాడు. అయితే విజయం మాత్రం వరించడం లేదు. సరైన విజయం పక్కనపెడితే ఓ మోస్తరు హిట్‌ ముఖం కూడా చూడలేకపోతున్నాడు. డౌటా? అయితే ఒకసారి అతని ఫిల్మోగ్రఫీ చూడండి. మీకే సులభంగా అర్థమైపోతుంది.
ఆయన సినిమా ఫలితాల గురించి పక్కనపెడితే… ప్రస్తుతం అతని చేతుల్లో ఉన్న సినిమాల సంగతే వైరల్‌గా మారింది. కారణం ప్రస్తుతం ఆది సాయికుమార్‌కి సంబంధించి సెట్స్‌ మీద/ పోస్ట్‌ ప్రొడక్షన్‌లో ఆరు సినిమాలు ఉండటమే. అవును ఆది ఆరు సినిమాలతో బిజీగా ఉన్నాడు. మార్కెట్‌కి, వసూళ్లకు, హిట్‌లకు సంబంధం లేకుండా అన్నేసి సినిమాలు ఎలా వస్తున్నాయి అనేదే ఇక్కడ తెలియడం లేదు. ప్రస్తుతం ఆది చేతిలో ‘బ్లాక్‌’, ‘తీస్‌ మార్‌ ఖాన్స్‌’న, ‘అమర్‌ ఇన్‌ ది సిటీ చాప్టర్‌ 1’, ‘ఫన్నీ కృష్ణ’, ‘సిఎస్‌ఐ సతానతన్‌’, ‘జంగిల్‌’ సినిమాలు ఉన్నాయి. ఇప్పుడర్థమయైందా ఆది సత్తా.
ఆది నటించిన ‘అతిథి దేవో భవ’ శుక్రవారం విడుదలైంది. అయితే ఎప్పటిలాగే ఈ సినిమా కూడా ఆదికి నిరాశే మిగిల్చింది. దీంతో రానున్న ఆరు సినిమాలపైనే ఆది లైఫ్‌ ఆధారపడి ఉంటుంది. అందులో ఏదైనా మంచి విజయం సాధిస్తే ఇక ఆది తిరుగు చూసుకోనక్కర్లేదు. అంత కష్టపడే ఆదికి ఎందుకు విజయం దక్కడం లేదనేది తెలియడం లేదు. లవర్‌ బాయ్‌గా తొలినాళ్లలో కనిపించిన ఆది, ఆ తర్వాత ఫ్యామిలీ ఎంటర్‌టైనర్లు ట్రై చేశాడు. అవి వదిలేసి యాక్షన్‌ సినిమాలూ చేశాడు.
ఇలా ఎన్ని చేసినా సరైన విజయం అయితే దక్కడం లేదు. దీంతో ఆది ఏం చేయాలో, ఏం చేస్తాడో అర్థం కావడం లేదు. సాయికుమార్‌ హీరోగా తెలుగులో ఓ వెలుగు వెలిగి తర్వాత కామ్‌ అయ్యాడు. తెలుగులో కొడుకు ద్వారా అయినా హీరో కోరిక నెరవేర్చుకుందాం అంటే వీలవ్వడం లేదు. దీంతో తండ్రిలా కన్నడ పరిశ్రమలో ఏమైనా ట్రై చేస్తాడేమో చూడాలి.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
