Venkatesh: వెంకీని… రీమేక్‌ కింగ్‌ అని ఊరకనే అంటారా ఏంటి?

వెంకటేశ్‌ ఓ సినిమాను రీమేక్‌ చేస్తున్నారు అంటే… వంద శాతం హిట్‌ గ్యారెంటీ అంటుంటారు. అది థియేటర్‌లో అయినా, ఓటీటీలో అయినా ఆ సినిమా పక్కాగా హిట్‌ అవుతుంది. ఈ విషయాన్ని మరోసారి నిరూపించింది ‘దృశ్యం 2’. ఇప్పటికే ఓటీటీలో విడుదలైన ఘన విజయం సాధించింది మలయాళ ‘దృశ్యం 2’. ఇప్పుడు తెలుగు ‘దృశ్యం 2’కూడా అక్కడే విడుదలై విజయం అందుకుంది. ఇందులో మెచ్చుకోవాల్సింది టీమ్‌ మొత్తాన్ని అయినా… వెంకీ ఇంకాస్త ఎక్కువ అని చెప్పాలి. ఎందుకంటే రీమేక్‌ను అందులోనూ ఇప్పటికే ఓటీటీయన్స్‌ చూసిన సినిమాను తీసి హిట్‌ కొట్టారుగా.

టాలీవుడ్‌లో స్టార్ హీరోలు చాలామంది రీమేక్‌లు చేశారు. ఇతర భాషల్లో మంచి విజయాలు అందుకున్న సినిమాలను, తెలుగులోకి తీసుకొచ్చి విజయాలు అందుకున్నారు. అయితే వెంకటేశ్‌ను రీమేక్‌ కింగ్‌ అని అంటారు. ఆ మాట ఆయనకే యాప్ట్‌ అనేంతగా మాట్లాడుతుంటారు. అయితే దీనిని వెంకీ కూడా చాలా కూల్‌గా తీసుకుంటారు. అందరినీ వదిలి ఆ రీమేక్‌ నా దగ్గరకు వచ్చిందంటే… నేను మాత్రమే చేయగలను అని అనుకోవడం వల్లే కదా అని తనదైన శైలిలో పాజిటివ్‌ థింకింగ్‌ చెబుతారు.

రీమేక్‌ల విషయంలో ఓ సమస్య ఉంటుంది. ఉన్నది ఉన్నట్లుగా తీసేస్తే… ఏముంది యాజ్‌ ఇట్‌ ఈజ్‌ అంటారు. అదే ఏమైనా మార్పులు చేస్తే అసలు కథను, ఫీల్‌ను చంపేశారు అంటారు. ఇలాంటి కత్తి మీద సాము పరిస్థితుల్లోనూ రీమేక్‌లు చేసి మెప్పిస్తుంటారు వెంకీ. యాజ్‌ ఇట్‌ ఈజ్‌గా చేయడం అంత ఈజీగా తీసేయొచ్చా అన్నట్లు సినిమాలు చేసి హిట్‌ కొట్టేస్తుంటారాయన. కావాలంటే ‘దృశ్యం 2’ చూడండి. పాత్రల పేర్లు, పాత్రధారులు మారారు కానీ… మొత్తం మాతృకనే. ఇలా తీయడం, హిట్‌ కొట్టడం కూడా గ్రేటేనబ్బా.

నాగ చైతన్య రిజెక్ట్ చేసిన 10 సినిమాల్లో 3 బ్లాక్ బస్టర్లు…!

Most Recommended Video

టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?