స్వీటీ అనుష్క సినీ కెరీర్ ని మలుపు తిప్పిన చిత్రం “అరుంధతి”. ఈ చిత్రం మంచి పేరుతో పాటు అవకాశాలను తెచ్చి పెట్టింది. అప్పటి నుంచి లేడీ ఓరియెంటెడ్ మూవీ అనగానే దర్శకులు, నిర్మాతలు అనుష్కనే సంప్రదించడం మొదలెట్టారు. ఆమె నటించిన పీరియాడికల్ చిత్రాలు బాహుబలి, రుద్రమ దేవి కూడా హిట్ సాధించడంతో క్రేజ్ మరింత పెరిగింది. అందుకే మిర్చి తీసిన యువి క్రియేషన్స్ వాళ్లు “భాగమతి” కథ కోసం అనుష్కనే ఎంపిక చేసుకున్నారు. నాలుగు వందల ఏళ్ల క్రితం జరిగిన కథతో ఈ చిత్రం తెరకెక్కనుంది. ఇందులో స్వీటీ టైటిల్ రోల్ పోషించడానికి ఒకే చెప్పింది.
ప్రస్తుతం భాగమతి భవనం సెట్ ను అన్నపూర్ణ స్టూడియోలో వేస్తున్నారు. ఆర్ట్ డైరక్టర్లు ఆనాటి పరిస్థితులు, నిర్మాణ శైలి ప్రతిభింబించేలా జాగ్రత్తలు తీసుకుంటున్నారు. కేవలం ఈ భవన నిర్మాణం కోసమే మూడున్నర కోట్లు ఖర్చు చేస్తున్నట్లు తెలిసింది. ఇప్పుడు జేజెమ్మ చేతిలో బాహుబలి -2, సింగం 3 , ఓం నమో వెంకటేశాయ చిత్రాలు ఉన్నాయి. వీటిని కంప్లీట్ చేసి భాగమతి టీమ్ తో జాయిన్ కానుంది. ఈ సినిమాను పిల్లజమీందార్ ఫేం అశోక్ దర్శకత్వం వహిస్తున్నారు.
