జనతా గ్యారేజ్ మూవీతో యంగ్ టైగర్ ఎన్టీఆర్ రేంజ్ అమాంతం పెరిగింది. 50 కోట్లతో నిర్మితమైన ఈ సినిమా ప్రపంచవ్యాప్తంగా 135 కోట్లను వసూల్ చేసింది. దీంతో అతని నెక్స్ట్ మూవీపై అంచనాలు పెరిగాయి. ఈ సారి 150 కోట్ల మార్క్ ని తారక్ అవలీలగా క్రాస్ చేస్తారని సినీ పండితులు అంచనా వేస్తున్నారు. అందుకే బాబీ దర్శకత్వంలో రూపుదిద్దుకోనున్న చిత్రాన్ని ఎక్కడా కాంప్రమైజ్ కాకుండా నిర్మించాలని నిర్మాత నందమూరి కళ్యాణ్ రామ్ భావిస్తున్నారు.
ఎన్టీఆర్ ఆర్ట్స్ బ్యానర్లో తెరకెక్కనున్న ఈ మూవీకి 60 బడ్జెట్ అనుకున్నట్లు తెలిసింది. ఎన్టీఆర్ రెండు వేరియేషన్లో కనిపించనున్న ఈ ఫిల్మ్ లో హీరోయిన్ గా సమంతని ఫిక్స్ చేశారు. ఈ నెలలో చిత్రాన్ని లాంఛనంగా ప్రారంభించి.. సంక్రాంతి తర్వాత చిత్ర బృందం రెగ్యులర్ షూటింగ్ కి వెళ్లనుంది. కథ మొత్తం రివేంజ్ కోణంలో సాగుతుందని, యాక్షన్ సీక్వెన్స్ ని బాబీ వినూత్నంగా ప్లాన్ చేశారని సమాచారం. స్టోరీకి తగ్గట్టుగా బాడీని మలుచుకొనే పనిలో ప్రస్తుతం ఎన్టీఆర్ బిజీగా ఉన్నారు. నెల రోజులు కష్టపడి కొత్త లుక్ తో తన 27 వ చిత్రం సెట్ లోకి ఎంట్రీ ఇవ్వనున్నారు.
Also, do SUBSCRIBE to our YouTube channel to get latest Tollywood updates.
