టాలీవుడ్ బాక్స్ ఆఫీస్ ని షేక్ చేయించే స్టార్ హీరోల్లో పవర్ స్టార్ పవన్ కళ్యాణ్ ఒకరు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో వచ్చిన ఆయన చిత్రం “అత్తారింటికి దారేది” మూడేళ్ల క్రితమే వందకోట్లను మార్కుని దాటి రికార్డు సృష్టించింది. ఈ మూవీ ప్రపంచ వ్యాప్తంగా 131 కోట్ల గ్రాస్ కలక్షన్స్ వసూల్ చేసి పవన్ సత్తాను చాటింది.
ఇప్పుడు పవన్ డాలీ డైరెక్ష‌న్‌లో కాట‌మ‌రాయుడు సినిమా చేస్తున్నారు. తొలిసారి ఫ్యాక్షనిస్టుగా పవన్ నటిస్తున్న ఈ చిత్రం షూటింగ్ డిసెంబర్ కి పూర్తి కానుంది. దీని తర్వాత పవన్, త్రివిక్రమ్ డైరక్షన్లో సినిమా చేయడం ఖరారు అయింది. హారిక అండ్ హాసిని బ్యానర్లో నిర్మాత రాధాకృష్ణ నిర్మించనున్న ఈ మూవీ కి “దేవుడే దిగివ‌చ్చినా” అనే టైటిల్ ని కూడా ఫిక్స్ చేశారు. పవన్, త్రివిక్రమ్ కాంబినేషన్ కి ఉన్న క్రేజ్ ని దృష్టిలో పెట్టుకుని వందకోట్లు ఖర్చు చేసేందుకు నిర్మాత సిద్ధంగా ఉన్నట్లు తెలిసింది. త్రివిక్రమ్ ఈ సారి కథలో లవ్, ఫ్యామిలీ డ్రామాతో పాటు కొంచెం పొలిటికల్ టచ్ కూడా ఇస్తున్నట్లు సమాచారం. మరి ఈ చిత్రం ఎన్నికోట్లు వసూలు చేస్తోందో చూడాలి.
