‘అఖిల్’ ట్వీట్ కి రీ ట్వీట్స్ వరద!

అక్కినేని అఖిల్…అక్షరాల పాతిక ఏళ్లు కూడా నిండని ఈ యువకుడు హీరో అయిపోయే క్రమంలో కాస్త తడబడి, తొలి సినిమాని డిజాస్టర్ గా సరిపెట్టుకున్నాడు. అయితే వెనువెంటనే పెళ్లి హడావిడి అంటూ మళ్లీ కాస్త తొందరపడి అనవసరమైన ఆలోచనలకు వేదికగా మారాడు. అయితే ఇదిలా ఉంటే అసలు మ్యాటర్ లోకి వెళితే తన రెండో సినిమాని ఎలా అయినా భారీ హిట్ గా మలచాలి అని ఆలోచనలో ఉన్న ఈ యువ హీరోకి ట్విటర్ వేదికగా ఇప్పుడు మంచి ఫాలోయిన్ ఏర్పడింది. దానికి కారణం తెలియాలి అంటే మనం ఈ కధ చదవాల్సిందే…విషయంలోకి వెళితే  ఈమధ్య మాంచెస్టర్ లో జరిగిన ఉగ్రదాడి ప్రపంచంలోని అన్ని వర్గాల ప్రజల మనసులను కలచి వేసిన సంగతి తెలిసిందే. ఈ దాడుల తరువాత ఒక ముస్లిం యువకుడు ఒక అట్ట పై కొన్ని వ్యాఖ్యలు వ్రాసి రోడ్డు పై నిలుచుని ఆ వీడియోను సోషల్ మీడియాలో షేర్ చేసాడు. ‘నేను ముస్లిం ను నాకు మీపై నమ్మకం ఉంది. మీకు కూడ నాపై ఎలాంటి ద్వేషభావం లేకుంటే నన్ను ఘాడంగా కౌగిలించుకొండి.’ అంటూ కామెంట్స్ వ్రాసిన ప్లకార్డ్ తో ఒక వీడియోను రికార్డ్ చేసాడు.

ఆ దృశ్యాన్ని చూసిన చాలామంది ఆ ముస్లిం యువకుడుకి సంఘీభావం తెలుపుతూ సోషల్ మీడియాలో కామెంట్స్ చేస్తున్నారు. మాంచెస్టర్ లో ఉన్న వారు అయితే ఆ యువకుడు దగ్గరకు వెళ్లి అతడిని కౌగలించుకుని అభినందనలు తెలియచేస్తున్నారు. ఈ వీడియో మన అఖిల్ ను కదిలించింది, వెంటనే ఆ వీడియో పై అఖిల్ తన స్పందనను తన ట్విట్ ద్వారా తెలియచేస్తూ తనకు ఆ ముస్లిం యువకుదుని మాంచెస్టర్ వెళ్లి కలిసి కౌగలించుకోవాలని ఉంది అంటూ అఖిల్ అభినందనలు తన ట్విట్ రూపంలో తెలియచేసాడు. ఇప్పుడు ఈ ట్విట్ సోషల్ మీడియాకు వైరల్ గా మారడంతో అఖిల్ కు సంఘీభావం తెలుపుతూ చాలామంది రీ ట్విట్ చేస్తున్నారు. మొత్తంగా తెలుగు తెరపై హీరోగా మారాలను అనుకుంటున్న అఖిల్ ట్విటర్ వేదికగా హీరో అయిపోయాడు అని తెలుస్తుంది. అదీ మ్యాటర్.

Also, do SUBSCRIBE to our YouTube channel to get latest Tollywood updates.